اسلام آباد : کورونا ریلیف فنڈ کے لئے اے آروائی نیٹ ورک آج خصوصی ٹیلی تھون کا انعقاد کررہا ہے، جس میں وزیراعظم عمران خان شریک ہوں گے۔
تفصیلات کے مطابق وزیراعظم کورونا ریلیف فنڈ کے لئے اے آروائی نیٹ ورک آج ٹیلی تھون کا انعقاد کررہا ہے، ٹیلی تھون کے ذریعے فنڈریزنگ کی جائے گی، خصوصی ٹیلی تھون میں وزیراعظم بھی شرکت کریں گے۔
فہد مصطفیٰ، وسیم بادامی، اقرار الحسن ٹیلی تھون کے میزبان ہوں گے جبکہ سیاستدان، تاجر، شوبز شخصیات، کرکٹرز مہمان ہوں گے، ٹیلی تھون اے آروائی کے تمام چینلز پر بیک وقت نشر ہوگا۔
دوسری جانب سینیٹر فیصل جاوید نے سماجی رابطے کی ویب سائٹ ٹوئٹر پر اےآروائی چینلز پرلائیوٹیلی تھون سے متعلق پیغام میں کہا ہے کہ اے آروائی چینلز پرآج لائیوٹیلی تھون4بجے ہوگی انشا اللہ، وزیراعظم عمران خان ٹیلی تھون میں شریک ہوں گے۔
فیصل جاوید کا کہنا تھا کہ آئیں اے آروائی چینلزپرلائیوٹیلی تھون بڑھ چڑھ کرحصہ لیں اور ملکروائرس کے خلاف جنگ لڑیں، ٹیلی تھون میں مختلف شعبوں سے تعلق رکھنے والےافراد شریک ہوں گے ، شریک افراد عظیم مقصد کے سفیربنیں گے۔
#CoronaKoRoknaHai A special #Telethon for PM’s Relief Fund on #COVIDー19 ll be broadcast LIVE across ARY Channels @ 4PM today insha’ALLAH.Telethon to feature ppl frm all walks of scoiety becoming ambassadors for ths grt cause
PM Khan ll also join this telethon @ARYNEWSOFFICIAL— Faisal Javed Khan (@FaisalJavedKhan) April 1, 2020
یاد رہے کہ وزیراعظم عمران خان نے کورونا ریلیف فنڈ قائم کرنے کا اعلان کیا ہے جب کہ صوبوں کی سطح پر بھی الگ الگ ریلیف فنڈز قائم کیے گئے ہیں۔
مزید پڑھیں : کرونا سے جنگ: وزیراعظم کا ریلیف فنڈ کے قیام اور ٹائیگرفورس بنانے کا اعلان
وزیراعظم عمران خان نے قوم سے خطاب کرتے ہوئے کہا تھا کہ میرے پاکستانیوں اس وقت پوری دنیا کروناوائرس کے خلاف جنگ لڑ رہی ہے،پاکستان کا ریلیف پیکج 8 ارب ڈالر کا ہے۔ انہوں نے بتایا کہ کرونا ریلیف فنڈ کا اکاؤنٹ اسٹیٹ بینک میں ہوگا ، جس میں جمع کرائی گئی رقم پر کوئی پوچھ گچھ نہیں ہوگی۔
خیال رہے پاکستان میں کرونا وائرس کے مریضوں کی تعداد بڑھ کر 2039 ہو گئی ہے جبکہ وائرس سے جاں بحق ہونے والے مریضوں کی تعداد بھی 26 ہو چکی ہے۔
