لاہور : بھارت سےآنیوالے 3پاکستانی شہریوں میں کوروناوائرس کی تشخیص ہوگئی، جس کے بعد تینوں کو سروسز اسپتال کے آئسولیشن مرکز منتقل کردیا گیا ہے۔
تفصیلات کے مطابق بھارت سےآنیوالے 3پاکستانی شہریوں میں کوروناوائرس کی تشخیص ہوگئی ، محکمہ صحت پنجاب کا کہنا ہے کہ مریض، اس کے اٹنڈنٹ اور ڈونر تینوں کے کوروناٹیسٹ مثبت آئے۔
محکمہ صحت پنجاب نے کہا کہ تینوں افرادلاہور کے رہائشی اوربھارت میڈیکل ویزےپر گئےتھے، کورونا مریضوں کو سروسز اسپتال کے آئسولیشن مرکز منتقل کردیا گیا ہے۔
ترجمان کا مزید کہنا تھا کہ تینوں افراد 8مارچ کو جگر کی پیوندکاری کیلئےبھارت گئے تھے جبکہ بھارت سے 29 مارچ کو 5پاکستانیوں کی خصوصی انتظام سے واپسی ہوئی تھی۔
محکمہ صحت نے بتایا بھارت سے واپس آنے پر تمام افراد کو قرنطینہ میں رکھا گیاہے، قرنطینہ میں ٹیسٹ کےدوران 3افرادکےٹیسٹ مثبت آئے۔
خیال رہے محکمہ صحت پنجاب کے مطابق صوبےمیں کوروناکےکنفرم مریضوں کی تعداد 740ہو گئی ہے جبکہ کورونا سے9 اموات اور 5 مریض صحت یاب ہو چکےہیں۔
