نئی دہلی: دنیا بھر میں کرونا وائرس سے لڑنے کے لیے مختلف ویکسینز اور دواؤں پر کام کیا جارہا ہے تاہم بھارت میں حکومتی ارکان کرونا وائرس کے خلاف مشعل مارچ کر کے نعرے لگا رہے ہیں۔
بھارت میں گزشتہ شب وزیر اعظم نریند مودی کی اپیل پر کرونا وائرس کے خلاف جنگ میں اظہار یکجہتی کے طور پر 9 بجے 9 منٹ تک موم بتیاں روشن کی گئیں۔
اس موقع پر ملک بھر میں لوگوں نے اپنے گھروں میں، گھروں کے باہر اور کھڑکیوں اور بالکونیوں میں شمعیں روشن کیں۔
ایسے میں حکومتی پارٹی کے رکن اسمبلی راجہ سنگھ ایک قدم آگے بڑھ گئے، وہ اپنے سپورٹرز کے ساتھ مشعلیں اٹھائے باہر نکل آئے اور اس دوران کرونا وائرس کے خلاف نعرے لگاتے ہوئے گلیوں میں گشت کیا۔
راجہ سنگھ اور ان کے حمایتی گو بیک چائنیز وائرس (واپس جاؤ چینی وائرس) کے نعرے لگاتے رہے۔
سماجی رابطے کی ویب سائٹ ٹویٹر پر لوگوں نے ایم ایل اے کی جہالت پر افسوس کا اظہار کیا جبکہ کئی افراد نے ان کا مذاق بھی اڑایا۔
OMG!! 😲😲😲
People are doing Candle light march against Corona and shouting #GoCoronaGo
No Words!! 🤐🤐🤐#SocialDistanacing #COVIDIOTS pic.twitter.com/GH18M6fiUp
— Niranjan kumar (@niranjan2428) April 5, 2020
Acha tou phir corona gaya ke nahi?? 🙏
😅 😄
— urwa maqsood (@barbieurwa) April 5, 2020
ایک صارف کا کہنا تھا کہ کیا یہ واقعی اتنے ہی جاہل ہیں؟
Shame!! Are they so illiterate?? 😠
— Tapas Ranjan (@TaPasranjan53) April 5, 2020
اس سے قبل بھی ممبئی کے ایک کونسلر کی ویڈیو وائرل ہوئی تھی جس میں وہ پوجا پاٹھ کرتے ہوئے گو کرونا گو کے نعرے لگا رہے تھے۔
خیال رہے کہ بھارت میں اب تک کرونا وائرس سے 4 ہزار 314 افراد متاثر ہوچکے ہیں جبکہ وائرس سے 118 افراد کی ہلاکت ہوچکی ہے۔
