ابوظہبی: متحدہ عرب امارات میں استعمال شدہ فیس ماسک اور دستانے چلتی گاڑی سے باہر پھینکنے والوں کی شامت آگئی۔
اماراتی میڈیا کے مطابق پولیس نے شہریوں کو خبردار کیا ہے کہ استعمال شدہ ماسک اور دستانے چلتی گاڑی سے پھینکنے والوں کو بخشا نہیں جائے گا۔
پولیس کا کہنا ہے کہ ایسا غیر سماجی رویہ اور ماحول کی خرابی کا باعث بننے والی حرکت کسی صورت قبول نہیں اور غیر مناسب طرز عمل قابل گرفت ہے۔
پولیس نے شہریوں سے کہا ہے کہ گاڑیوں سے استعمال شدہ ماسک اور دستانے پھینکنے والوں کو ایک ہزار درہم جرمانہ اور ڈرائیوننگ لائسنس میں 6 منفی پوائنٹس بطور سزا دیے جائیں گے۔
#أخبارنا | #شرطة_أبوظبي تحذر من القاء #الكمامات و #القفازات على الطريق#أخبار_شرطة_أبوظبي#خلك_في_البيت
#stayhomehttps://t.co/vGGdokmBZ1 pic.twitter.com/WrPNYNKSZ5— شرطة أبوظبي (@ADPoliceHQ) April 9, 2020
اس حوالے سے پولیس نے بیان جاری کرتے ہوئے کہا ہے کہ مشاہدے میں یہ بات سامنے آئی ہے کہ بعض کار سوار استعمال شدہ ماسک اور دستانے کھڑکیوں سے باہر پھینک رہے ہیں جو سراسر ٹریفک قوانین کی خلاف ورزی ہے۔
بیان کے مطابق استعمال شدہ ماسک اور دستانے لوگوں کی صحت اور عوام دوست ماحول کے لیے خطرہ ہیں، آلودہ ماسک اور دستانے کورونا وائرس اور دیگر بیماریوں کو پھیلانے کا سبب بن سکتے ہیں۔