اسلام آباد: وزیر مذہبی امور نور الحق قادری نے حج ادائیگی سے متعلق کہا کہ سعودی وزارت حج سے مسلسل رابطے میں ہیں، انہوں نے فی الوقت معاہدہ کرنے سے روک رکھا ہے۔
تفصیلات کے مطابق وزیر مذہبی امور پیر نور الحق قادری کا کہنا ہے کہ 15 رمضان تک حج ہونے یا نہ ہونے کا فیصلہ ہوجائے گا، سعودی حکومت کرونا کے پھیلاؤ کو مکمل طور پر دیکھ رہی ہے، سعودی وزارت حج نے فی الوقت حج معاہدہ کرنے سے روک رکھا ہے۔
[bs-quote quote=”۔15 رمضان تک حج ہونے یا نہ ہونے کا فیصلہ ہوجائے گا” style=”style-8″ align=”left”][/bs-quote]
انہوں ںے کہا کہ سعودی حکومت کے پاس حج ادائیگی سے متعلق مختلف آپشنز زیر غور ہیں جن میں سعودی عرب میں رہنے والے صرف حج کی سعادت حاصل کرسکیں، صرف گلف ممالک کے حجاج حج کی سعادت حاصل کرنا شامل ہیں۔
وزیر مذہبی امور کے مطابق تمام ممالک کے کوٹے کو صرف دس فیصد تک لیا جاسکتا ہے، سعودی حکومت حج سے متعلق پاکستان کو اعتماد میں لے کر فیصلہ کرے گی۔
نور الحق قادری کا کہنا تھا کہ تاریخ میں 40 مرتبہ سے زائد حج مکمل یا جزوی طور پر نہیں ہوا، سمجھتا ہوں حالات بہتر ہوجائیں تو حج ہوگا۔
واضح رہے کہ کرونا وائرس کی وبا کے باعث سعودی حکومت نے پاکستان کو عازمین سے حج معاہدہ کرنے سے روک دیا تھا اور اس سلسلے میں حکومت سعودی عرب کے ساتھ مکمل رابطے میں ہے۔