لاہور: پاکستان تحریک انصاف کے رہنما عبدالعلیم خان نے پنجاب کابینہ میں شمولیت کا حلف اٹھا لیا۔
تفصیلات کے مطابق لاہور میں گورنر ہاؤس میں عبدالعلیم خان کی تقریب حلف برداری ہوئی جس میں گورنر پنجاب چوہدری محمد سرور اور وزیراعلیٰ پنجاب عثمان بزدار سمیت دیگر افراد نے شرکت کی۔
گورنر ہاؤس میں ہونے والی تقریب میں عبدالعلیم خان نے حلف اٹھا لیا، گورنر پنجاب چوہدری محمد سرور نے عبدالعلیم خان سے حلف لیا۔
خیال رہے کہ گزشتہ روز پاکستان تحریک انصاف کے رہنما عبدالعلیم خان کو دوبارہ پنجاب کابینہ میں شامل کرنے کا فیصلہ کیا گیا تھا۔
علیم خان کو نیب حوالات منتقل کردیا گیا
یاد رہے کہ گزشتہ سال 6 فروری کو نیب لاہور نے آمدن سے زائد اثاثہ جات اور آف شور کمپنیوں کیس میں پنجاب کے سینئر وزیر عبد العلیم خان کو گرفتار کیا تھا۔
نیب کی جانب سے گرفتاری کے بعد عبدالعلیم خان نے اپنا استعفی وزیراعلیٰ پنجاب کو بھجوا دیا تھا۔ علیم خان کا کہنا تھا کہ مقدمات کا سامنا کریں گے، آئین اور عدالتوں پر یقین رکھتے ہیں، مجھ پر آمدن سے زائد اثاثوں کا نہیں، آف شور کمپنیوں کا مقدمہ ہے۔
