نیو یارک : کورونا وائرس کی عالمی وبا کے بحران سے نمٹنے کیلئے امریکی خلائی ایجنسی ‘ ناسا’ بھی ٹاسک فورس کے ساتھ شامل ہوگئی، وینٹی لیٹر سمیت طبی آلات کی تیاری میں مدد کرے گی۔
تفصیلات کے مطابق عالمی وبا کورونا وائرس کے بحران سے نمٹنے میں وینٹی لیٹر جیسے اہم طبی آلات کی کمی کے حل کو تلاش کرنے کے لیے کیلیفورنیا میں امریکی خلائی ایجنسی ‘ ناسا’ بھی ٹاسک فورس کے ساتھ شامل ہوگئی ہے تاکہ وہ اس بیماری سے متاثرہ مریضوں کی مدد کے لئے طبی آلات تیار کرسکے۔
اس حوالے سے امریکی خلائی ایجنسی نے کہا کہ آرم اسٹرونگ فلائٹ ریسرچ سینٹر نے طبی سامان کی کمی کو پورا کرنے کے لئے انٹلیپ ویلی ہسپتال، سٹی آف لنکاسٹر، ورجن گیلیکٹک، اسپیس شپ کمپنی (ٹی ایس سی) اور انٹیلپ ویلی کالج کے ساتھ شراکت کی ہے۔
ترجمان کے مطابق ان کی پہلی کوشش میں سے ایک پروٹو ٹائپ آکسیجن ہوڈ تیار کرنا تھا جو اب اسپتال میں کام کرنے والے ڈاکٹرز کو مہیا کرایا جاچکا ہے۔
ترجمان ناسا نے مزید کہا کہ اگلے ہفتے کیلیفورنیا کے موجاؤ میں تقریبا 500 ٹی ایس سی فیتھ سہولت شروع کی گئی ہے، آپ کو بتا دیں کہ یہ آلہ ناسا کے انجینئر مائک بٹگیگ نے تیار کیا ہے۔
خاص طور پر کووڈ-19 کے مریضوں کے لئے یہ ایک ‘ آکسیجن ہڈ’ ہے جو معمولی علامات ظاہر کرتا ہے اور ان مریضوں سے وینٹی لیٹر استعمال کرنے کی ضرورت کو کم کرتا ہے۔
