ریاض: سعودی عرب میں بینکوں اور مالیات کے اداروں کو کھولنے کے احکامات جاری کر دیے گئے۔
سعودی عریبین مانیٹری اتھارٹی(ساما) نے بینکوں کو اپنی شاخین کھولنے اور ترسیلات زر کے اداروں کو کھولنے کے احکامات جاری کیے ہیں۔
بینکوں اور مالیاتی اداروں کو کورونا وائرس سے بچاؤ کے لیے طے شدہ احتیاطی تدابیر پر سختی سے عمل پیرا ہونے کی ہدایت کی گئی ہے۔
- Advertisement -
ساما کی جانب سے احکامات جاری ہونے کے بعد مملکت میں مختلف بینکوں کی شاخیں اور ترسیلات زر کے مراکز نے کام شروع کر دیا ہے۔
ان اداروں میں رمضان المبارک کے حوالے سے اعلان کر دہ اوقات کار میں ملازمین ڈیوٹی سرانجام دیں گے اور مقررہ اوقات میں امور نمٹانے کی اجازت ہوگی۔
بینکوں اور مالیاتی مراکز کے لیے صبح 10 سے سہہ پہر 3 بجے تک کے لیے اوقات کار طے کیے گئے ہیں۔
