فلوریڈا : کورونا لاک ڈاؤن کے دوران لوگ مصروف رہنے کیلئے مختلف حربے استعمال کرتے ہیں اس حوالے سے کیرم کھیلنے کا ایک انوکھا اور مزاحیہ انداز اپنایا گیا جسے دیکھ کر لوگ ہنسی سے لوٹ پوٹ ہوگئے۔
کیرم ایک ایسا کھیل ہے جو بچوں اور بڑوں میں یکساں مقبول ہے اور دنیا بھر میں شوق سے کھیلا جاتا ہے، حالیہ صورتحال میں جب دنیا کے تقریباً تمام ممالک میں کورونا وائرس سے بچاؤ کیلئے لاک ڈاؤن نافذ کیا گیا ہے، تو اس میں لوگ اپنا وقت گزارنے کیلئے مختلف انداز اپناتے ہیں۔
بچوں اور بڑوں کو کیرم کا استعمال کرتے ہوئے کیرم کھیلنے والے گروپ کی یہ ویڈیو سوشل میڈیا پر وائرل ہورہی ہے، روایتی طور پر لکڑی سے بنے بورڈ پر کھیلا جانے والا یہ گیم اس ویڈیو میں زمین پر کھیلا جارہا ہے۔؎
جس میں دیکھا جا سکتا ہے کہ سفید رنگ سے کیرم کے باکس بنائے گئے اسکورنگ ہولز بورڈ کے چاروں اطراف کھینچ دیئے گئے ہیں،اس کے علاوہ مزاحیہ انداز میں گوٹیوں کی جگہ بچوں اور اسٹرائیکر کی جگہ ایک بڑے شخص کو کھڑا کیا گیا ہے۔
ویڈیو میں دیکھا جاسکتا ہے کہ چار افراد کیرم سکوں کا کردار ادا کرتے ہیں جبکہ ایک اسٹرائیکر کا کردار ادا کرتا ہے، ویڈیو میں بورڈ کے مخالف سروں پر کھڑے والے دو کھلاڑی اسٹرائیکر کو سکوں کی جانب دھکیلتے ہیں جو وہ کامیابی کے ساتھ چاروں ہولز میں ڈال دیتے ہیں۔
