نئی دہلی: بھارت میں کرونا مریضوں کو مردوں کے ساتھ لیٹا دیا گیا جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق بھارتی ریاست ممبئی کے سیون ضلع میں واقع ’لوکمانیا تلک‘ اسپتال میں جگہ کم پڑنے کے بعد کرونا کے مریضوں کو مردوں کے ساتھ ایک ہی وارڈ میں رکھنے کی ویڈیو وائرل ہوگئی۔
بھارتی شہری کی جانب سے بنائی جانے والی ویڈیو میں دیکھا جاسکتا ہے کہ مردہ خانے میں کرونا وائرس کے مریض سو رہے ہیں۔
ویڈیو میں دیکھا جاسکتا ہے کہ وارڈ کے اندر کالی تھیلیوں میں لاشیں لپٹی ہوئی ہیں اور ان کے قریب ہی کرونا وائرس کے مریض بھی موجود ہیں۔
Outraged to see corpses laid beside the sick at Sion Hospital. Why isn’t @mybmc following @WHO-prescribed protocols when disposing of #COVIDー19 corpses?
Public hospital staff are doing their best with limited resources at hand. Mumbai’s administration needs to step up NOW! pic.twitter.com/MURUNsIyfc
— Milind Deora मिलिंद देवरा (@milinddeora) May 7, 2020
بھارتی رکن اسمبلی نتیش رانے نے ٹویٹر پر ویڈیو پیغام میں اسپتال انتظامیہ پر تنقید کرتے ہوئے کہا کہ اسپتال میں مریض لاشوں کے پاس سو رہے ہیں یہ انتہا ہے، یہ کیسی انتظامیہ ہے۔
نتیش رانے کا کہنا تھا کہ اسپتال کے مریض بنیادی طور پر ممبئی کی کچی آبادی دھاروی سے آتے ہیں جو ملک کی سب سے بڑی کچی آبادی ہے، دھاروی میں کرونا وائرس کے مریضوں کی تعداد بہت زیادہ ہے، گزشتہ روز بھی دھاروی میں 50 سے زائد کرونا کیسز رپورٹ ہوئے تھے۔
اسپتال کے ڈاکٹر پرمود اننگال نے ویڈیو کی تصدیق کرتے ہوئے کہا کہ لواحقین اپنے پیاروں کی لاشیں لینے سے گریزاں ہیں، انہوں نے بتایا کہ وارڈ سے لاشیں نکال دی گئی ہیں اور واقعے میں ملوث افراد کے خلاف تفتیش جاری ہے۔
واضح رہے کہ بھارت میں کرونا وائرس کے کیسز کی تعداد 50 ہزار سے تجاوز کرگئی ہے اور 1 ہزار 787 افراد وائرس سے ہلاک ہوچکے ہیں۔