اسلام آباد : وفاقی وزیراطلاعات شبلی فراز کا کہنا ہے کہ لاک ڈاؤن کھولنے کی کامیابی میں عوام کا تعاون درکار ہے، عوام نےاحتیاط نہ کی تو دوبارہ لاک ڈاؤن کی طرف جانا پڑے گا۔
تفصیلات کے مطابق وفاقی وزیراطلاعات شبلی فراز نے سماجی رابطے کی ویب سائٹ ٹوئٹر پر اپنے پیغام میں کہا ہے کہ لاک ڈاؤن کھولنے کی کامیابی میں عوام کا تعاون درکار ہے، کاروباری شعبوں کیلئے بنائے گئے ایس او پیز پر سختی سے عمل کرناہوگا۔
شبلی فراز کا کہنا تھا کہ عوام نےاحتیاط نہ کی تو دوبارہ لاک ڈاؤن کی طرف جانا پڑے گا، کورونا مشترکہ قومی مسئلہ ہےمتحد ہو کر مقابلہ کرنا ہے۔
لاک ڈاؤن کھولنے کی کامیابی میں عوام کا تعاون درکار ہے۔کاروباری شعبوں کیلئے بنائے گئے ایس او پیز پر سختی سے عمل کرناہوگا۔احتیاط نہ کی گئی تو دوبارہ لاک ڈاؤن کی طرف جانا پڑے گا۔ کورونا مشترکہ قومی مسئلہ ہے، متحد ہو کر مقابلہ کرنا ہے۔ 1/2
— Senator Shibli Faraz (@shiblifaraz) May 8, 2020
انھوں نے مزید کہا کہ عوام کی صحت کی حفاظت،معاشی روانی کوساتھ لےکرچلناہے، لاک ڈاؤن میں مرحلہ وارنرمی کمزور طبقات کیلئےجذبہ احساس کا مظہرہے، مرحلہ وارنرمی سے چھوٹے کاروباری افراد کے کاروبار کوسہارا ملے گا۔
عوام کی صحت کی حفاظت اور معاشی روانی کوساتھ لیکر چلنا ہے۔لاک ڈاؤن میں مرحلہ وار نرمی کا فیصلہ پسے ہوئے کمزور طبقات کیلئےجذبہ احساس کا مظہر ہے۔چھوٹے کاروباری افراد کے کاروبار کوسہارا ملے گا۔ طویل المعیاد لاک ڈاؤن چھوٹے کاروبار کرنے والوں کے روزگار کو ہمیشہ کے لئے ٹھپ کردیتا۔ 1/1
— Senator Shibli Faraz (@shiblifaraz) May 8, 2020
گذشتہ روز اے آر وائی نیوز کے پروگرام میں گفتگو کرتے ہوئے وفاقی وزیراطلاعات شبلی فراز کا کہنا تھا کہ رش کم رکھنےکیلئےصبح سےشام5بجے تک کاروبارکھولنےکافیصلہ کیا، لاک ڈاؤن میں نرمی ابتدائی اسٹیج کےفیصلےکےتحت کی گئی ہیں، ایک پلیٹ فارم کےذریعےاتفاق رائےکےتحت فیصلہ کیا گیا ہے۔
شبلی فراز نے کہا تھا کہ ہم نےکوروناوائرس کی صورتحال اور اپنےوسائل دیکھتےہوئے فیصلےکرنےہیں، کوروناسےوہ ممالک نہیں لڑسکےجومعیشت اورصحت سےمتعلق بہترتھے، جس شخص کےگھرمیں کھانانہ ہوتووہ دھوپ اورچھاؤں نہیں دیکھتا، یہ کہہ دیناکہ لاک ڈاؤن ہےسب گھرپربیٹھیں بہت آسان ہے، عمران خان اس طبقےکاسوچ رہےہیںجوایک دن بھی گھرپرنہیں رہ سکتا۔
