لاہور : پاکستانی آرٹسٹ وقاص احمد نے ترک صدر کیلئے خوبصورت پورٹریٹ کا تحفہ تیار کرلیا اور کہا طیب اردوان ایک عظیم ماں کا عظیم بیٹا ہے، ان کی ٹیم سےرابطےمیں ہوں، پورٹریٹ تحفے میں دوں گا۔
تفصیلات کے مطابق پاکستانی آرٹسٹ وقاص احمد نے ترک صدر کا والدہ کےہمراہ خوبصورت پورٹریٹ تیارکرلیا، وقاص احمد کا تیار کردہ خصوصی پورٹریٹ ترک صدر کو بھجوایا جائے گا۔
وقاص احمد نے اپنے پیغام میں کہا کہ طیب اردوان ایک عظیم ماں کا عظیم بیٹا ہے، ان کی ٹیم سے رابطے میں ہوں، پورٹریٹ تحفے میں دوں گا، طیب اردوان آج کے دور کے عظیم مسلم لیڈر اور پسندیدہ سیاسی رہنما ہیں۔
"ایک عظیم ماں کا عظیم بیٹا ”
ماں کے عالمی دن کے موقع پر ہمارے ہر دل عزیز آج کے دور کے عظیم مسّلم لیڈر ترک صدررجب طیّب اردگان کی عظیم ماں کو آرٹسٹ وقاص احمد شائق کی جانب
سےپورٹریٹ بنا کر زبردست خراج تحسین#MothersDay pic.twitter.com/EOSxQaScXM— Waqas Ahmed Shaiq (@shaiq_waqas) May 10, 2020
اس سے قبل وقاص احمدترک صدرسےملاقات میں ان کاپورٹریٹ تیارکرچکےہیں جبکہ مصورہ رابعہ ذاکر نے بھی ترک صدر رجب طیب اردوان کے دورہ پاکستان کا خیر مقدم کرتے ہوئے ان کا شان دار پورٹریٹ تیار کیا تھا۔
واضح رہے وقاص احمدصدرمملکت،وزیراعظم عمران خان،مہاتیرمحمد کے پورٹریٹ بھی تیارکر چکے ہیں، وقاص شائق نے پنسل ورک سے امیر قطر کی پورٹریٹ بنائی تھی ، وقاص شائق نے چارکول اسٹک سے تیار پورٹریٹ میں رنگ بھرے ہیں اور امیرقطر کی 4 فٹ بائی 5فٹ سائز کی پورٹریٹ تیار کی تھی۔
اس سے قبل سعودی ولی عہد محمد بن سلمان کے دورہ پاکستان میں چیئرمین سینیٹ نے ملاقات میں انھیں گولڈ پلیٹڈ بندوق اور پینسل سے تیار کردہ پورٹریٹ کا تحفہ پیش کیا تھا۔