مصنف: ذیشان یاسین
”محکمہ موسمیات نے شہر میں شدید گرمی کی اطلاع دی ہے۔ اگلے ہفتے لُو چلے گی۔ ہمیں بچاؤ کے لیے کیا کرنا چاہیے؟“ ٹیچر نے کلاس کے بچوں سے سوال کیا۔
”سب کو اپنے اے سی ٹھیک کروا لینے چاہییں۔“ پپو بولا۔
- Advertisement -
”ہم فریج اور ڈیپ فریزر صاف کرلیں تاکہ ٹھنڈا پانی اور کولڈ ڈرنک انجوائے کریں۔“ بنٹی مسکرا کر بولی۔
”اسکول کو ایک ہفتے کے لیے بند کر دینا چاہیے۔“ چنٹو نے چہک کر مشورہ دیا۔
”آپ کیا کریں گی انابیہ۔“ ٹیچر نے میری بیٹی سے پوچھا۔
”میں چھت اور بالکونی میں پرندوں کے لیے پانی کا انتظام کروں گی۔“
