کراچی : شہر قائد سے گرفتار بھارتی خفیہ ایجنسی را کے سلیپر سیل کا اہم رکن کراچی میں اسپیشل برانچ پولیس کا افسر نکلا ، ایف آئی اے حکام نے دعویٰ کیا کہ گرفتارملزم کاتعلق ایم کیوایم لندن سے ہے، ملزم ایئرپورٹ پرساتھیوں کی آمدورفت میں سہولت کاری کرتا تھا۔
اے آر وائی نیوزکے نمائندے شاہ نواز شاہ مطابق ایف آئی اے نے کراچی میں را سلیپر سیل کے اہم رکن مصورنقوی کو گرفتار کرلیا ، مصورنقوی اسپیشل برانچ پولیس کا اے ایس آئی نکلا، ملزم کراچی ایئرپورٹ پر سرویلنس یونٹ میں ڈیوٹی کررہاتھا۔
ایف آئی اے کا کہنا ہے کہ ملزم1991میں سندھ پولیس میں بھرتی ہواتھا، محمودصدیقی کی ہدایت پرملزم کورقم فراہم کی جاتی تھی جبکہ یہ 2008 میں ٹریننگ کےلیےبھارت بھی جا چکا ہے۔
حکام کے مطابق ملزم ایئرپورٹ پرساتھیوں کی آمدورفت میں سہولت کاری کرتا تھا جبکہ ٹارگٹ کلنگ،دہشتگردی کی کارروائیوں میں ملوث رہاہے۔
مزید پڑھیں : بھارتی خفیہ ایجنسی را کیلئے کام کرنےوالا کراچی پولیس کااےایس آئی گرفتار
ایف آئی اے حکام نے دعویٰ کیا کہ گرفتارملزم کاتعلق ایم کیوایم لندن سے ہے، کراچی پولیس کاایک اےایس آئی پہلےبھی گرفتارکیاجاچکاہے جبکہ بھارتی خفیہ ایجنسی راکے6 مبینہ ملزمان پہلےہی گرفتارہوچکےہیں، گرفتارملزمان سےجےآئی ٹی تحقیقات کررہی ہے۔
یاد رہے گذشتہ ماہ بھارتی خفیہ ایجنسی را کیلئےکام کرنے والے کراچی پولیس کے اےایس آئی کو گرفتار کرلیا گیا تھا، پولیس کا کہنا تھا کہ اے ایس آئی شہزاد پرویز شارع فیصل تھانے میں تعینات تھا اور ملزم کومحمودصدیقی گروپ کیجانب سےبھاری رقم فراہم کی جاتی تھی جبکہ گرفتار پولیس اہلکار دہشت گردی کی کارروائیوں میں ملوث ہے۔
