کراچی: سندھ کے محکمہ تعلیم (ایجوکیشن اینڈ لٹریسی) ڈیپارٹمنٹ نے بچوں کی آن لائن تعلیم کے لیے موبائل ایپ متعارف کرادی۔
صوبائی وزیر تعلیم سعید غنی کا کہنا تھا کہ ’سندھ ایجوکیشن اینڈ لٹریسی ڈیپارٹمنٹ نے ایپ متعارف کرادی، جس کے تحت KG سے پانچویں جماعت تک کے طالب علم گھر بیٹھے تعلیم حاصل کرسکتے ہیں۔
مزید پڑھیں: پنجاب حکومت کا طالب علموں کے لیے زبردست اقدام، ایپ متعارف
انہوں نے بتایا کہ ایپ کو اینڈرائیڈ فون پر پلے اسٹور سے ڈاؤن لوڈ کر کے استعمال کیا جاسکتا ہے۔ سعید غنی نے والدین سے اپیل کی کہ وہ سندھی، اردو اور انگریزی زبان میں اپنے بچوں کی تعلیم کا سلسلہ دوبارہ شروع کروائیں۔
صوبائی وزیر تعلیم کا کہنا تھا کہ بچےموبائل فون، ٹیبلٹ یا کمپیوٹر پر اب گھر بیٹھے ہی کلاسز میں شامل ہوسکتے ہیں اور وہ اپنے کورس کی تعلیم حاصل کرسکتے ہیں۔
ایپ ڈاؤن لوڈ کیسے کی جائے؟
گوگل پلے اسٹور پر یہ ایپ SELD Learning app کے نام سے موجود ہے، جسے موبائل ، کمپیوٹر، لیپ ٹاپ، ٹیبلیٹ میں ڈاؤن لوڈ کر کے استعمال کیا جاسکتا ہے۔
قبل ازیں پرائیوٹ اسکولز آف ایسوسی ایشن نے حکومت سے مطالبہ کیا کہ حکومت عید کے بعد اسکول کھولنے کی اجازت دے۔ صوبائی وزیر تعلیم سعید غنی نے دو ٹوک مؤقف اختیار کیاکہ سندھ حکومت جلد تعلیمی ادارے کھولنے کی پوزیشن میں نہیں ہے۔
محکمہ تعلیم سندھ نے KG سے 5th کلاس تک کے بچوں کیلئے گھر بیٹھے تعلیم حاصل کرنے کیلئے ایک ایپ تیار کی ہے۔
کسی بھی android فون پر play store میں جائیں اور SELD Learning app ڈاؤن لوڈ کریں اور سندھی، اردو اور انگریزی زبان میں اپنے بچوں کی تعلیم شروع کروائیں۔#Sindh pic.twitter.com/ZbRL2oI24Z— Senator Saeed Ghani (@SaeedGhani1) May 19, 2020
