مسجد مہابت خان مغلیہ طرز تعمیر کا شاہ کار ہے جس کی دیواروں اور دروازوں پر صدیوں پہلے کے ہنرمندوں کی مہارت کے نقوش اب دھندلا چکے ہیں اور کاری گری کے حسین نمونے مٹتے جارہے ہیں۔
تاریخ بتاتی ہے کہ 1670 مہابت خان نے پشاور کی یہ عظیم الشان مسجد تعمیر کروائی تھی، جس کا صحن 35 میٹر لمبا اور تقریباً 30 میٹر چوڑا ہے، مسجد کے وسط میں ایک بہت بڑا حوض موجود ہے۔
اس مسجد کی دیواروں اور گنبد پر کاشی کاری کے علاوہ مختلف نقش و نگار دیکھنے کو ملتے ہیں جو اس دور کے ہنر مندوں کی مہارت کا ثبوت ہیں۔ مرکزی میناروں کی بلندی 34 میٹر ہے جن کے درمیان 6 چھوٹے مینار بھی ہیں۔ مسجد کی چھت کے گنبدوں میں سے تین بڑے گنبد ہیں۔
- Advertisement -
بعض مؤرخین کا خیال ہے کہ مغل طرزِ تعمیر کا شاہ کار اس مسجد کو 1630 میں تعمیر کیا گیا تھا۔
