منامہ: خلیجی ملک بحرین میں ڈرائیورز کو آگاہی فراہم کرنے کے لیے خصوصی اقدام اٹھایا گیا ہے۔
عرب میڈیا کی رپورٹ کے مطابق بحرین میں ڈرائیور حضرات کو خصوصی ڈرون کی مدد سے ٹریفک قوانین سے متعلق آگاہی فراہم کی جائے گی تاکہ سڑکوں پر گاڑیوں کے سفر کو حادثات سے محفوظ رکھا جاسکے۔
رپورٹ کے مطابق مذکورہ خصوصی مہم کے لیے ’ملٹی لنگوئل ڈرون‘ کا استعمال کیا جائے گا۔ اس اقدام کے تحت ناصرف ڈرائیورز کو خصوصی ہدایات دی جائیں گی بلکہ سڑکوں پر چلنے والے شہری بھی آگاہی سے مستفید ہوں گے۔
- Advertisement -
مہم کی مدد سے سڑکوں پر غلط پارکنگ سے متعلق ڈرائیورز کو آگاہ کیا جائے گا جبکہ سائیکل چلانے والوں کو بھی سڑکوں پر ان کی حدود بتائی جائے گی۔ بحرین کے شعبہ ٹریفک نے شہریوں کو ہدایت کی ہے کہ وہ کروناوائرس کے خلاف اٹھائے گئے حکومتی اقدامات کی بھی پیروی کریں۔
