کراچی : پی آئی اے کے طیارے کو حادثہ پیش آنے کے افسوسناک واقعے کے بعد عید کے چاند سے متعلق پریس کانفرنس ملتوی کردی گئی۔
تفصیلات کے مطابق کراچی میں پی آئی اے کے طیارے کے حادثے کے باعث عید کے چاند سے متعلق پریس کانفرنس ملتوی کردی گئی ہے۔
کراچی میں PIA کے جہاز کو اندوھناک حادثہ پیش آیا ہے، اس حادثے کے پیش نظر عید کے چاند سے متعلق پریس کانفرنس ملتوی کر دی گئ ہے۔ اللہ ہم پر رحم کرے ۔۔۔
— Ch Fawad Hussain (@fawadchaudhry) May 22, 2020
اس حوالے سے وفاقی وزیر سائنس و ٹیکنالوجی فواد چوہدری نے سماجی رابطے کی ویب سائٹ ٹوئٹر پر ایک پیغام میں کہا ہے کہ کراچی میں پی آئی اے کے جہاز کو اندوہناک حادثہ پیش آیا ہے، اس حادثے کے پیش نظر عید کے چاند سے متعلق پریس کانفرنس ملتوی کر دی گئی ہے۔ اللہ ہم پر رحم کرے۔
واضح رہے کہ کراچی ایئرپورٹ پر رن وے کے قریب ماڈل کالونی کے علاقے میں پی آئی اے کا مسافر طیاہ گر کر تباہ ہوگیا۔ طیارے میں 99 مسافر اور عملے کے 8 افراد سوار تھے۔
ایئربس 320 پی آئی اے کی پرواز پی کے 8303 لاہور سے 1 بج کر 10 منٹ پر کراچی کے لیے روانہ ہوئی تھی جو کہ منزل کے قریب پہنچ کر حادثے کا شکار ہوگئی۔
طیارے کو حادثہ لینڈنگ سے قبل ملیر کینٹ کے گیٹ نمبر دو پر پیش آیا جو کہ ائرپورٹ کے ساتھ متصل علاقہ ہے۔ حادثے کے باعث 4 سے زائد گھروں کو نقصان پہنچا۔ حادثے کے بعد کراچی ائیرپورٹ پر ایمرجنسی نافذ کر دی گئی۔
