پشاور: خیبرپختونخوا کے چیف سیکریٹری ڈاکٹر کاظم نیاز کا کروناوائرس ٹیسٹ مثبت آگیا۔
تفصیلات کے مطابق سرکاری ذرائع کا کہنا ہے کہ چیف سیکریٹری کے پی ڈاکٹر کاظم نیاز نے کرونا ٹیسٹ مثبت آنے کے بعد خود کو قرنطینہ کرلیا ہے جہاں ان کا علاج جاری ہے۔
ادھر وزیراعلیٰ خیبرپختونخوامحمود خان نے اپنے ٹوئٹر پیغام میں کہا کہ چیف سیکریٹری کے پی کرونا کے خلاف برسرپیکار ہیں، چیف سیکریٹری ڈاکٹرکاظم نیاز کی محنت قابل ستائش ہے۔
انہوں نے کہا کہ چیف سیکرٹری کی جلد صحتیابی کے لیے دعا گو ہوں اور شاندار خدمات پرچیف سیکریٹری کو خراج تحسین پیش کرتا ہوں۔
میرے چیف سیکریٹری ڈاکٹر کاظم نیاز شبانہ روز کرونا کے خلاف برسرِپیکار ہیں۔ انکی انتھک محنت قابلِ ستائش و تقلید ہے۔ میں انکی جلد صحتیابی کیلیئے دعاگو ہوں اور انکی شاندار خدمات کیلیئے انکو اور انکے افسران کو خراجِ تحسین پیش کرتا ہوں۔
— Mahmood Khan (@IMMahmoodKhan) May 25, 2020
گورنر سندھ نے کرونا کو کیسے شکست دی؟ بتا دیا
خیال رہے کہ اس سے قبل دیگر اہم شخصیات بھی کروناوائرس کا شکار ہوئیں جن میں وزیرتعلیم سندھ سعید غنی اور گورنر سندھ عمران اسماعیل بھی شامل ہیں تاہم مذکورہ دونوں شخصیات اب مکمل صحت یاب ہیں۔
کروناوائرس کو شکست دینے کے بعد گورنر سندھ نے کرونا مریضوں کا اہم مشورہ بھی دیا۔ ان کا کہنا تھا کہ وبا کے خلاف جڑی بوٹیاں کا استعمال بہت مفید ہوتا ہے جس نے مجھے بھی بہت فائدہ پہنچایا۔
