کراچی : سندھ بلڈ ٹرانسفوژن اتھارٹی اور وزیر صحت سندھ کورونا سے صحت یاب مریضوں سے پلازمہ عطیہ کرنے کی اپیل کی ہے، پلازمہ تھراپی کامیاب علاج کے طور پر سامنے آرہی ہے، اس تھراپی وینٹی لیٹرپر جانے سے روکتی ہے۔
تفصیلات کے مطابق سندھ بلڈ ٹرانسفوژن اتھارٹی کی کورونا سے صحت یاب مریضوں سے پلازمہ عطیہ کرنے کی اپیل کی ہے، ڈائریکٹر درے ناز جمال نے اپنے بیان میں کہا مریضوں کےعلاج کیلئے پلازمہ کی بہت زیادہ ضرورت ہے، کورونا سے صحت یاب افراد زیادہ سے زیادہ سامنے آئیں اور فون نمبر03332976390 پر فوری رابطہ کریں۔
درے ناز جمال کا کہنا تھا کہ ہم نے پلازمہ تھراپی شروع کی ہے، پلازمہ پیچیدہ مریضوں کےلیے استعمال کرتے ہیں، پلازمہ تھراپی کامیاب علاج کے طور پر سامنے آرہی ہے، اس تھراپی وینٹی لیٹرپر جانے سے روکتی ہے۔
دوسری جانب وزیر صحت سندھ عذراپیچوہو نے بھی کورونا سے صحتیاب افراد سے پلازمہ عطیہ کرنےکی اپیل کرتے ہوئے کہا کورونا کے مریضوں کی تعداد تیزی سے بڑھ رہی ہے، پسوامیونائزیشن کیلئےپلازماصحت یاب افرادسے لیا جاتا ہے۔
وزیر صحت سندھ کا کہنا تھا کہ پسوامیونائزیشن سے مریضوں کووینٹ پرجانےسےبچایاجاسکتاہے، اس وقت ہمیں پلازمہ کی اشدضرورت ہے، کورونا سے صحتیاب افراد سندھ حکومت کا ساتھ دیں۔
ڈاکٹر عذرا پیچوہو نے مزید کہا یہ عمل بلڈ ٹرانسفیوزن اتھارٹی کی نگرانی میں ایس اوپیزکیساتھ کیا جا رہا ہے۔
