نیویارک : اقوام متحدہ کے امن مشنز کے عالمی دن کے موقع پر پاکستانی خاتون افسر کو خراج تحسین پیش کیا گیا، میجر سمیعہ رحمان کا کہنا ہے کہ کورونا وبا کے باعث میں واپس گھر نہیں جا سکی ، مل کر ہم کورونا وبا کا پھیلاؤکم کر سکتے ہیں۔
تفصیلات کے مطابق یو این پیس کیپنگ آفیشل اکاؤنٹ سے کانگو میں تعینات میجر سمیعہ رحمان نے بیان میں کہا کہ میری ذمہ داریاں 6 اپریل کو ختم ہورہی تھیں، کورونا وبا کے باعث میں واپس گھر نہیں جا سکی، میرا 2سالہ بیٹا سوال کرتا ہے کہ آپ گھر کب آئیں گی۔
میجر سمیعہ رحمان کا کہنا تھا کہ پریشانی ضرور ہے تاہم میری کام کی لگن اور بڑھ گئی ہے، مل کر ہم کورونا وبا کا پھیلاؤکم کر سکتے ہیں۔
"My duty was ending on 6 April, but I’m unable to go home due to #COVID19. My 2-yr-old is asking, ‘Mama, when will you be back?’ I’m worried, but my passion for work has increased manifolds. Together we can slow the spread.” #PKDay #womeninpeacekeeping@MONUSCO #WPSin2020 pic.twitter.com/Y0kff5IxkH
— UNIC Beirut (@UNICBeirut) May 29, 2020
خیال رہے پاکستان سمیت دنیا بھر میں آج یو این امن مشن کا عالمی دن منایا جا رہا ہے،اس سال دن کا موضوع وومن پیس کیپنگ رکھا گیا ہے، پاکستان نے 30 ستمبر1947 کو اقوام متحدہ میں شمولیت اختیار کی اور امن مشن کے لیے پاکستان کی معاونت کا آغاز 1960 میں ہوا، ساٹھ سال میں پاکستان چھبیس ممالک میں چھیالیس امن مشنز میں حصہ لے چکا ہے۔
