نیویارک: امریکا کے نامور کاروباری جریدے فوربز میگزین نے امریکی اداکارہ کائلی جینر کو غلط بیانی کرنے پر بڑا دھچکا دیتے ہوئے ارب پتی افراد کی فہرست سے باہر کردیا۔
امریکی میڈیا رپورٹ کے مطابق فوربز میگزین کی گزشتہ برس مارچ میں آنے والی فہرست میں رئیلٹی ٹی وی اسٹار کائلی جینر کو دنیا کی کم عمر ارب پتی خاتون قرار دیا گیا تھا۔
فوربز کی جانب سے جاری ہونے والے ایک بیان میں کہا گیا ہے کہ ’کائلی کے اثاثوں کی مجموتی مالیت اتنی باقی نہیں رہی کہ انہیں ارب پتی قرار دیا جائے لہذا ہم نے اپنی پالیسی کو مدنظر رکھتے ہوئے انہیں فہرست سے باہر کردیا‘۔
انتظامیہ کے مطابق ’ہماری ٹیم نے کائلی کے کاسمیٹک کمپنی کے حصص کی مالیت بھی دیکھی ، چونکہ اب اُن کی کمپنی نقصان میں ہے اور کاروباری حجم چھوٹا ہوگیا تو انہیں ارب پتی نہیں کہا جاسکتا‘۔
فوربز کی جانب سے جاری اعداد و شمار کے مطابق بائیس سالہ اداکارہ کے اثاثوں کی مجموعی مالیت کا تخمینہ تقریبا 90 کروڑ ڈالرز کے قریب بنتا ہے جبکہ انہوں نے غلط بیانی کر کے اپنے اثاثوں کی مالیت بہت زیادہ بڑھا کر بتائی‘۔
دوسری جانب اداکارہ نے اپنے ٹویٹر پیغام میں اس بات کی تصدیق کی کہ انہیں ارب پتی افراد کی فہرست سے نکال دیا گیا۔ انہوں نے بتایا کہ فوربز کی جانب سے پیش کردہ کہانی مفروضوں پر مبنی ہے۔
اُن کا کہنا تھا کہ ’جینر، کم کاردیشین اور کورٹنی کاردیشین کی سوتیلی بہن ہیں’۔ انہوں نے 2006 میں 29 ڈالر سے کائلی کاسمیٹکس کے نام سے لپ کٹس، میچنگ لپ اسٹک اور لپ لائنر کا کاروبار شروع کیا’۔
