پاکستانی اداکاروں کے انداز کی نقل کر کے تصاویر بنانے والی البانیہ کی 5 سالہ بچی انٹرنیٹ پر وائرل ہوگئی۔
البانیہ سے تعلق رکھنے والی بچی پاکستانی شوبز جوڑوں کی تصاویر دلکش انداز میں بنا کر انٹرنیٹپر شیئر کرتی ہے، اسی کی وجہ سے نہ صرف وہ انٹرنیٹ پر مشہور ہوگئی بلکہ اس نے جن فنکاروں کے انداز اپنائے وہ بھی تعریف کیے بغیر نہ رہ سکے۔
پانچ سال کی باصلاحیت بچی کا نام امیلا ہے اور اسے انٹرنیٹ صارفین ’شخصیات کی نقل کرنے والی ملکہ‘ قرار دیتے ہیں۔
امیلا نے پاکستانی اداکار جوڑوں کی تصاویر کو دیکھتے ہوئے بلکل اُن کی طرح تصاویر بنائیں اور جوڑوں سمیت لاکھوں انٹرنیٹ صارفین کا دل جیت لیا۔
یہی نہیں بلکہ امیلا کی صلاحیتوں کا اعتراف کرتے ہوئے اُسے پاکستانی اداکاروں نے سراہا اور اُس کی تعریف بھی کی۔
امیلا پاکستانی اسٹار کی تصویر بنا کر اُسے انسٹاگرام پر شیئر کرتی اور ساتھ میں اُس اداکار کو مینشن بھی کرتی ہیں۔
انہوں نے معروف پاکستانی اداکارہ مایا علی کا انداز اپنا کر تصویر بنائی جسے اداکارہ نے بھی پسند کیا۔
اسی طرح پانچ سالہ بچی نے زارا نور اور اسد صدیقی کی ایک ساتھ بنائی گئی تصویر کا انداز اپنایا، اس تصویر کے لیے انہوں نے اپنے بھائی کی مدد حاصل کی۔
علاوہ ازیں البانیہ کی باصلاحیت ننھی بچی نے علیزے شاہ اور نعمان سمیع کا انداز بھی اپنایا جسے اداکار جوڑے نے بہت پسند کیا۔
View this post on Instagram
@alizehshahofficial @noamansami ♥️♥️🙈🙈🥰🥰 #alizehshah #alizehshahofficial #alizeh #noamansami
انہوں نے پاکستانی اداکارہ ایمن اور منیب کی ایک تصویر کا انتخاب کر کے اٰسی اسٹائل میں پکچر لے کر انسٹا گرام پر شیئر کی۔
View this post on Instagram
@aimankhan.official @muneeb_butt ♥️♥️♥️♥️🙈🙈🙈🙈 #aimankhan #aiman #aimanmuneeb #aimanwedsmuneeb
امیلا کے کام کو دیکھ کر نامور پاکستانی اداکارہ سجل علی بھی اُن کی تعریف کیے بغیر نہ رہ سکیں۔
