کراچی: محکمہ موسمیات نے کہا ہے کہ آج پاکستان سمیت دنیا کے کئی ممالک میں چاند گرہن کا نظارہ کیا جاسکے گا، چاندگرہن پاکستانی وقت کے مطابق رات 10بج کر46منٹ پر شروع ہوگا۔
محکمہ موسمیات کے مطابق 6جون 12بج کر 25منٹ پر چاند مکمل طور پر گرہن میں ہوگا، چاند گرہن کا اختتام 6جون رات 2بج کر4منٹ پر ہوگا، پاکستان میں ہونے والا اس سال کا دوسرا اور آخری چاند گرہن ہے۔
’پہلا چاندگرہن10اور11جنوری کی درمیانی شب میں دیکھا گیا تھا، پہلے چاند گرہن کا نظارہ بھی پاکستان میں کیا جاسکا تھا، اس سال 4بار چاند گرہن کا نظارہ کیا جاسکے گا‘۔
سورج اور چاند گرہن کیوں ہوتا ہے؟
محکمہ موسمیات کا کہنا ہے کہ 2بار چاند گرہن کا نظارہ پاکستان میں کیا جاسکے گا، جولائی اور نومبر میں ہونے والا چاندگرہن پاکستان میں نہیں دیکھا جاسکے گا۔
خیال رہے کہ زمین کا وہ سایہ جو گردش کے دوران کرہ زمین کے چاند اور سورج کے درمیان آ جانے سے چاند کی سطح پر پڑتا ہے اور چاند تاریک نظر آنے لگتا ہے، اُسے چاند گرہن کہتے ہیں۔
