کراچی: بین الاقوامی شہرت یافتہ پاکستانی اداکارہ ماہرہ خان نے کہا ہے کہ اگر میری بیٹی ہوتی تو اس کا نام رانیہ رکھتی۔
تفصیلات کے مطابق پاکستان کی نامور اداکارہ ماہرہ خان نے ٹویٹر پر شہریار نامی صارف کا ٹویٹ اپنے اکاؤنٹ سے شیئر کیا جس میں صارف نے اپنی 8 سالہ بیٹی کے ماہرہ خان کے لیے لکھے گئے خط کی تصویر شیئر کی۔
کوئٹہ سے تعلق رکھنے والی 8 سالہ مداح نے اپنے خط میں ماہرہ خان کے لیے نیک خواہشات کا اظہار کرتے ہوئے لکھا کہ میرا نام رانیہ ہے اور میں آپ کی اس وقت سے بہت بڑی مداح ہوں جب میں نے آپ کو ایوارڈ شو میں بہترین اداکارہ کا ایوارڈ لیتے ہوئے دیکھا۔
@TheMahiraKhan…
Hi my 8 years daughter is a big fan of you.
She has written a letter to you, hope you would like it, as she inspired you I think she would present you in future…
Hope you would write or share a small video for her, that would be a big surprise for her. Thanks pic.twitter.com/QwZCpsJHY9— Shaharyar (@Shaharyar345) June 4, 2020
رانیہ نے اپنے خط میں لکھا کہ میں آپ کی فلم دیکھی مجھے آپ کا ڈانس اور ایکٹنگ بہت اچھی لگی، میں آپ کی بہت بڑی فین ہوں اور چاہتی ہوں کہ آپ مجھے اپنا آٹوگراف دیں تاکہ میں اس کو فریم کروا کر اپنے کمرے کی دیوار پر لگا سکوں۔
شہریار نامی صارف نے اپنے ٹویٹ میں ماہرہ خان کو مخاطب کرتے ہوئے لکھا کہ میری بیٹی نے آپ کو لیے خط لکھا ہے امید ہے کہ آپ کو یہ پسند آئے گا اور اگر آپ میری بیٹی کے خط کا جواب دیں گی تو وہ بہت زیادہ خوش ہوگی۔
سماجی رابطے کی ویب سائٹ ٹویٹر پر صارف کے ٹویٹ کا جواب دیتے ہوئے ماہرہ خان نے لکھا کہ آپ کی بیٹی بہت پیاری ہے، آپ اپنی بیٹی کو بتائیں کہ اگر میری کوئی بیٹی ہوتی تو میں اس کا نام رانیہ ہی رکھتی۔نامور اداکارہ نے لکھا کہ اپنی بیٹی کو میری طرف سے بہت سارا پیار دیں۔
This is shoo sweet. Tell Rania that I wanted to name my daughter Rania if I had a girl 🙂 Give her lots of love and tight hug from me 😘♥️ https://t.co/zDKEXcMDgK
— Mahira Khan (@TheMahiraKhan) June 4, 2020