اسلام آباد: چیئرمین سی پیک اتھارٹی عاصم سلیم باجوہ نے کہا ہے کہ ایم ایل ون منصوبے پر 7.2 ارب ڈالر کی لاگت آئے گی۔
تفصیلات کے مطابق چیئرمین سی پیک اتھارٹی عاصم سلیم باجوہ نے سماجی رابطے کی ویب سائٹ ٹویٹر پر اپنے پیغام میں کہا کہ سی ڈی ڈ بلیو پی سے ایم ایل ون منصوبہ منظور ہوچکا ہے۔
عاصم سلیم باجوہ کا کہنا تھا کہ ایم ایل ون منصوبہ حتمی منظوری کے لیے ایکنک کو بھجوا دیا گیا،ایم ایل ون منصوبے پر 7.2 ارب ڈالر کی لاگت آئے گی۔
چیئرمین سی پیک اتھارٹی نے اپنے پیغام میں بتایا کہ منصوبے کے تحت 1872 کلو میٹر ریلوے ٹریک اپ گریڈ ہوگا،پشاور سے کراچی تک ریلوے ٹریک کو ڈبل کیا جائے گا۔
عاصم سلیم باجوہ نے کہا کہ والٹن اکیڈیمی کی اپ گریڈنگ کے ساتھ حویلیاں ڈرائی پورٹ تعمیر ہوگی،سی پیک کے دوسرے مرحلے میں یہ منصوبہ بڑا سنگ میل ہے۔
CDWP approved&recommended ML-1 project to ECNEC with cost US$ 7.2 Billion.Project scope includes dualisation &Up gradation of 1872 km Railway track from Peshawar to Karachi, Up grade Walton Academy&build Dry Port at Havelian.Big milestone for 2nd phase.#cpec #CPECMakingProgress
— Asim Saleem Bajwa (@AsimSBajwa) June 6, 2020
