لاہور : قومی کرکٹ ٹیم کے اوپنر اور مایہ ناز بیٹسمین بابر اعظم نے کہا ہے کہ میں ویرات کوہلی سے بہت پیچھے ہوں وہ بہترین کھلاڑیوں میں سے ایک ہیں۔
یہ بات انہوں نے ایک ایک انٹرویو می کہی، بابر اعظم نے بھارتی کپتان ویرات کوہلی سے اپنے موازنہ کے سوال کے جواب میں کہا کہ ویرات کوہلی دنیا کے بہترین بلے بازوں میں سے ایک ہیں اور میں ان سے بہت پیچھے ہوں۔
انہوں نے کہا کہ وہ دنیا کے کسی بھی بلے باز کے ساتھ اپنا موازنہ کرنے کے لئے کارکردگی نہیں دکھاتا، میں صرف اپنی ٹیم اپنے ملک اور شائقین کو مطمئن کرنا چاہتا ہوں۔ میں اپنی کارکردگی سے مداحوں کو خوش اور ٹیم کی جیت میں اپنا کردار ادا کرنے کا خواہشمند ہوں۔
بابر اور وراٹ کا مستقل موازنہ کیا جاتا ہے۔ حال ہی میں پاکستان کے ہیڈ کوچ مصباح الحق نے کہا ہے کہ بابر وراٹ ، اسٹیون اسمتھ اور جو روٹ جیسے بلے بازوں کے قریب پہنچ رہے ہیں۔
مجھے ابھی اور بہت کچھ سیکھنے کی ضرورت ہے، میں ویرات کی طرح کھیلنے کی کوشش کروں گا تاکہ اپنی ٹیم کو کامیابیاں دلا سکوں۔
واضح رہے کہ بابر اعظم کا مقابلہ عام طور پر ویرات کوہلی سے کیا جاتا ہے کیونکہ بابر اعظم پاکستان کرکٹ کے تینوں فارمیٹس میں بہترین رن ریٹ کے ساتھ نمایاں ہیں۔
کچھ عرصہ قبل انگلینڈ کے اسپنر عادل راشد نے بھی بابر اعظم کا موازنہ کوہلی سے کیا تھا، ان کا کہنا تھا کہ انہوں نے یہ بات دونوں کرکٹرز کی موجودہ کارکردگی کی بنیاد پر کہی ہے۔
