اسلام آباد: وزیراعظم عمران خان نے کہا ہے کہ خواتین اراکین کا قانون سازی میں اہم کردار ہے۔
تفصیلات کے مطابق وزیراعظم عمران خان سے پی ٹی آئی کی خواتین اراکین اسمبلی نے ملاقات کی۔خواتین اراکین نے وزیراعظم عمران خان کی قیادت پر مکمل اعتماد کا اظہار کیا۔
خواتین اراکین نے حلقوں سے متعلق وزیراعظم عمران خان کو آگاہ کیا۔اراکین نے تعلیم،صحت ،روزگار،خواتین کے مسائل پر تجاویز بھی پیش کیں۔
وزیراعظم عمران خان نے کرپشن کے خلاف مہم پر بھر پور حمایت کا اعادہ کیا۔اس موقع پر وزیراعظم کا کہنا تھا کہ خواتین اراکین کا قانون سازی میں اہم کردار ہے۔
وزیراعظم کی عوامی مفاد کی قانون سازی کا عمل تیز کرنےکی ہدایت
اس سے قبل رواں سال اپریل میں وزیراعظم عمران خان سے مشیر پارلیمانی امور بابر اعوان نے ملاقات کی تھی جس میں پارلیمانی مسائل فوری حل کرنے پر اور پارلیمانی معاملات شفاف اور درست انداز میں آگے بڑھانے کے اقدامات پر بھی اتفاق کیا گیا تھا۔
اس موقع وزیراعظم عمران خان نے عوامی مفاد کی قانون سازی کا عمل تیز کرنےکی ہدایت کرتے ہوئے کہا تھا کہ عوامی مفاد کے زیر التوا قانون ساز بلوں کو حتمی مراحل تک پہنچایا جائے۔
