لاہور: لاہور کی سیشن کورٹ نے ٹریفک وارڈن سے بدتمیزی کرنے والی خاتون کی ضمانت منظور کر لی۔
تفصیلات کے مطابق لاہور کی سیشن کورٹ میں ٹریفک وارڈن پر تشدد ،تضحیک آمیز رویےسے متعلق سماعت ہوئی۔عدالت نے ٹریفک وارڈن سے بدتمیزی کرنے والی خاتون کی ضمانت منظور کر کر لی۔
سیشن کورٹ نے پولیس کو 22 جولائی تک خاتون کوگرفتار کرنے سے روک دیا۔عدالت نے 50 ہزار روپے کے مچلکوں کے عوض درخواست ضمانت منظور کی۔
لاہور، ٹریفک وارڈن پر تشدد کرنے والی خاتون کی شناخت ہوگئی
یاد رہے کہ گزشتہ روز لاہور کے علاقے گلبرگ میں ٹریفک وارڈن پر تشدد کرنے والی خاتون کی شناخت 29 سالہ رئیسہ مسعود کے نام سے ہوئی تھی، خاتون لاہور کے علاقے نیو گارڈن ٹاؤن کی رہائشی ہے۔
خاتون کی جانب سے غلط جگہ گاڑی پارک کرنے پر وارڈن نے اسے آگاہ کیا اور کار ہٹانے کو کہا تھا جس کے باعث ٹریفک کی روانی متاثر ہو رہی تھی۔
خاتون ڈرائیور کو یہ ہدایت بری لگی اور وہ آپے سے باہر ہوکر ٹریفک اہلکار سے بدتمیزی کرنے لگی۔اس دوران خاتون نے وارڈن سے وائر لیس سیٹ بھی چھیننے کی کوشش کی تھی۔
