اسلام آباد : وزیراعظم عمران خان نے سعودی فرمانروا شاہ سلمان بن عبدالعزیز کی طبیعت ناسازی پر تشویش کا اظہار کرتے ہوئے ان کی جلد صحتیابی کیلیے دعا کی۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر سعودی فرمانروا شاہ سلمان بن عبدالعزیز کے اسپتال میں داخل ہونے پر اظہار تشویش کرتے ہوئے کہا خادمین حرمین شریفین کی علالت کےبارےمیں سنا ، میں ،حکومت اورپاکستان کےعوام ان کی جلد صحتیابی کے لیے دعاگو ہیں، اللہ انہیں اچھی صحت اور لمبی زندگی دے، آمین!
Heard with concern about hospitalisation of His Majesty King Salman bin Abdul Aziz, Custodian of the Two Holy Mosques. The government and people of Pakistan, and I myself, join our Saudi brethren in prayers for His Majesty’s swift recovery, good health and long life. Ameen.
— Imran Khan (@ImranKhanPTI) July 20, 2020
یاد رہے سعودی عرب کے بادشاہ شاہ سلمان کو آج طبیعت ناسازی کے باعث ریاض کے کنگ فیصل اسپیشلسٹ اسپتال منتقل کردیا گیا تھا،84 سالہ شاہ سلمان کو مثانے میں سوزش کے باعث اسپتال منتقل کیا گیا، جہاں ان کے میڈیکل ٹیسٹ کیے جارہے ہیں۔
خیال رہے سعودی فرماں روا شاہ سلمان بن عبدالعزیز 2015 سے سعودی عرب کے بادشاہ ہیں، بادشاہ بننے سے قبل ڈھائی سال سے زیادہ عرصے تک سعودی ولی عہد اور نائب وزیر اعظم کے عہدے پر فائز رہے۔
84 سالہ بادشاہ نے 50 سال سے زیادہ عرصہ تک ریاض کے گورنر کی حیثیت سے بھی خدمات انجام دیں۔