کراچی : کرونا وائرس سے بچاو کےلیے غیر ملکی خاتون نے بےبی وائب کے خالی پیکٹ سے فیس ماسک تیار کرلیا۔
چین سے جنم لینے والی کرونا وائرس کی مہلک ترین وبا نے دنیا کو اپنی لپیٹ میں لے رکھا ہے جس کے باعث اب تک ایک کروڑ سے زائد انسان متاثرہ جبکہ لاکھوں کرونا مریض زندگی کی بازی ہار چکے ہیں۔
ماہرین سے کرونا وائرس سے بچنے اور پھیلاو پر قابو کےلیے ایک دوسرے سے سماجی دوری اختیار کرنے اور فیس ماسک کا استعمال کرنے کی ہدایات جاری کررکھی ہیں۔
ماہرین کی جانب سے مذکورہ ہدایات جاری ہوتے ہیں دنیا بھر میں بے کار سے سمجھے جانے والے فیس ماسک کی قلت پیدا ہوگئی جس کے بعد لوگوں نے مختلف و منفرد فیس ماسک تیار کیے تاکہ کوویڈ 19 کی وبا سے بچ سکیں۔
حال میں ایک خاتون نے وائرس سے بچنے کےلیے بےبی وائب کے پیکٹ سے ایسا انوکھا فیس ماسک تیار کیا ہے جسے دیکھنے والے سے ساختہ ہنس پڑتے ہیں۔
خاتون نے بے بی وائپ کے پیکٹ کا وہ حصہ جہاں سے وائپ نکالنے کے بعد اسے واپس بند کردیا جاتا ہے، استعمال کرتے ہوئے ماسک تیار کیا جس کو پہننے کے بعد وہ با آسانی کھا پی بھی سکیں گی۔
