لاہور: پی سی بی نے کرکٹر سہیل تنویر اور آصف علی کو کیریبین پریمیئر لیگ کے لیے این او سی جاری کر دیا۔
تفصیلات کے مطابق پاکستان کرکٹ بورڈ نے فاسٹ باؤلر سہیل تنویر اور آصف علی کو کیریبین پریمیئر لیگ کھیلنے کی اجازت دے دی۔
پی سی بی کی جانب سے سہیل تنویر اور آصف علی کو کیریبین پریمیئر لیگ کے لیے این او سی جاری کر دیے گئے ہیں جس کے بعد دونوں کھلاڑی سی پی ایل میں ایکشن میں دکھائی دیں گے۔
فاسٹ باؤلر سہیل تنویر براستہ انگلینڈ ویسٹ انڈیز کے لیے روانہ ہوگئے ہیں اور وہ بارباڈوس میں قرنطینہ اور پریکسٹس کریں گے جبکہ آصف علی کل براستہ امریکا ویسٹ انڈیز جائیں گے۔
خیال رہے کہ سہیل تنویر پچھلے کچھ سالوں سے سی پی ایل میں کھیل رہے ہیں۔فاسٹ باؤلر کو دنیا بھر میں ٹی ٹوینٹی کا بہترین کھلاڑی مانا جاتا ہے جبکہ آصف علی پہلی بار سی پی ایل میں اپنی شاندار بیٹنگ کے جوہر دکھائیں گے۔
