لاہور: صوبہ پنجاب میں کرونا وائرس کے 173 نئے کیسز سامنے آ گئے ہیں، جس کے بعد پنجاب میں کرونا وائرس کے کنفرم مریضوں کی تعداد 92,452 ہو گئی۔
ترجمان پرائمری اینڈ سیکنڈری ہیلتھ کیئر کے مطابق پنجاب میں کرونا وائرس سے آج 8 مزید اموات ہوئی ہیں، صوبے میں اموات کی کُل تعداد 2,133 ہو گئی ہے، دوسری طرف کرونا وائرس کو شکست دینے والوں کی تعداد بھی بڑھ کر 82,592 ہو گئی ہے۔
ترجمان نے بتایا آج جو کیسز سامنے آئے ہیں، مختلف شہروں میں اس کی تفصیل یوں ہے کہ لاہور میں 86، راولپنڈی 34 اور گوجرانوالہ میں 2 نئے کیسز رپورٹ ہوئے۔
سیالکوٹ میں 3 نئے کیس، گجرات میں بھی 3، حافظ آباد میں 2، منڈی بہاؤالدین میں 1، جب کہ ملتان میں 10 نئے کیس رپورٹ ہوئے، وہاڑی میں 2، فیصل آباد میں 8 اور رحیم یار خان میں صرف 1 کیس سامنے آیا۔
ترجمان پرائمری اینڈ سیکنڈری ہیلتھ کیئر کے مطابق سرگودھا میں 8 نئے کیسز، بہاولپور میں 6 نئے کیسز، ڈیرہ غازی خان میں 2، ساہیوال میں 3، اوکاڑہ اور پاکپتن میں ایک ایک کیس رپورٹ ہوا۔
اب تک صوبے میں 713,688 ٹیسٹ کیے جا چکے ہیں، جن میں سے 92 ہزار 452 ہی مثبت آئے، جن میں اب تک 82 ہزار 592 افراد مکمل طور پر صحت یاب ہو چکے ہیں۔
