کراچی : اداکار حمزہ علی عباسی اور اداکارہ نیمل خاور کے گھر ننھے مہمان کی آمد ہوئی، جس کی اطلاع انہوں نے مداحوں کے ساتھ سوشل میڈیا پر شیئر کی اور بتایا بچے کا نام محمد مصطفی عباس رکھا ہے۔
تفصیلات کے مطابق معروف اداکار حمزہ علی عباسی نے سماجی رابطے کی ویب سائٹ ٹوئٹرپر مداحوں کو خوشخبری دیتے ہوئے کہا اللہ نے مجھے اور نیمل کو ایک بیٹے محمد مصطفی عباسی سے نوازا ہے، میری دعا ہے کہ وہ اللہ کا شکر گزار بندہ ، ایک اچھا ، شائستہ اور ایماندار انسان بنے اور اللہ اس کی زندگی اور آخرت سنوار دے، دعاؤں میں یاد رکھیے گا۔
Allah has blessed me and Naimal with a baby boy, Muhammad Mustafa Abbasi. I pray that he becomes a grateful servant of Allah, a good, humble & honest human being and may Allah bless him in this life and the next. Please pray for us❤️
— Hamza Ali Abbasi (@iamhamzaabbasi) August 2, 2020
دوسری جانب نیمل خاور نے بھی انسٹاگرام پر ایک تصویر شیئر کی، جس میں ان کے بیٹے نے نیمل کی انگلی تھام رکھی ہے،نیمل نے تصویر کے ساتھ بیٹے کی تاریخ پیدائش 30 جولائی 2020 تحریر کی۔
یاد رہے کہ ڈرامہ اور فلم انڈسٹری کے معروف اداکار حمزہ علی عباسی اور اداکارہ نیمل خاور 25 اگست کو رشتہ ازدواج میں منسلک ہوئے تھے اور نکاح کی تقریب انتہائی سادگی سے رکھی گئی تھی، ان کے اس اقدام کو سوشل میڈیا پر خوب سراہا گیا تھا۔
