ابوظبی: متحدہ عرب امارات کی ریاست عجمان کی سبزی منڈی میں لگنے والی ہولناک آگ پر چوبیس گھنٹے بعد قابو پالیا گیا، آتشزدگی کے نتیجے میں 125 دکانیں جل کر خاکستر ہوگئیں۔
گلف نیوز کی رپورٹ کے مطابق عجمان کے نیوانڈسٹریل زون میں واقع پھل اور سبزی مارکیٹ میں بدھ کی شام اچانک آگ بھڑک اٹھی تھی جو دیکھتے ہی دیکھتے بے قابو ہوگئی تھی اور آگ کے شعلے آسمان سے باتیں کرنے لگے تھے۔
عجمان میں شہری دفاع کے ادارے نے بتایا کہ صنعتی علاقے کے عوامی بازار میں آتشزدگی کی اطلاع ملتے ہی فائر بریگیڈ اور پولیس کی ٹیمیں جائے وقوعہ پہنچ گئیں تھی اور انہوں نے آگ پر قابو پانے کے لیے اقدامات شروع کردیے تھے۔
As night falls, fire crews are struggling to put out the market fire in Ajman, UAE. No word on the cause yet. pic.twitter.com/VlJYnqSpP6
— Ian Miles Cheong (@stillgray) August 5, 2020
رپورٹ کے مطابق خوفناک آتشزدگی کے نتیجے میں 125 دکانیں جل کر خاکستر ہوگئیں جبکہ لاکھوں درہم مالیت کا نقصان بھی ہوا۔
عجمان پولیس کے کمانڈر انچیف میجر جنرل شیخ سلطان بند عبداللہ النعایمی کی نگرانی میں ریسکیو آپریشن کئی گھنٹوں تک جاری رہا۔ خوش قسمتی سے آتشزدگی کے نتیجے میں کوئی جانی نقصان نہیں ہوا۔
کمانڈر انچیف کا کہنا تھا کہ ’اب صورت حال قابو میں ہے اور کوئی جانی نقصان نہیں ہوا‘۔
Video: A major fire has broken out at the public market in the new industrial area of Ajman at around 6.30 pm on Wednesday.#Ajman #UAE #PublicMarket #Fire pic.twitter.com/UKaQsmCvSN
— Nasir Mitharaje Salethur (@NsrSalethur) August 5, 2020
انہوں نے بتایا کہ ریسکیو آپریشن میں محکمہ شہری دفاع اور پولیس کے 25 یونٹس نے حصہ لیا جبکہ ہنگامی صورت حال کے پیش نظر جائے وقوعہ پر تین منٹ کے اندر ایمبولینسز کو بھی جائے وقوعہ پر پہنچ گئیں تھیں۔
کمانڈر انچیف کا کہنا تھا کہ ’مارکیٹ میں لگنے والی آگ نے قریبی عمارت کو بھی متاثر کیا تھا مگر اب آگ کو بجھا دیا گیا اور کولنگ کا عمل جاری ہے‘۔
A fire has broken out in Ajman market, UAE. We are monitoring the situation.#UAE #Ajman #Market #Emirates
[Knish] pic.twitter.com/4qlmHH3zDr— Aurora Intel – #StayHome (@AuroraIntel) August 5, 2020
انہوں نے بتایا کہ واقعے کی تحقیقات کے لیے ایک کمیٹی تشکیل دی ہے جو آگ لگنے کی وجوہات کا تعین کرے گی اور اگر یہ واقعہ کسی کی غلفت کی وجہ سے پیش آیا تو اُسے سزا دی جائے گی۔ اُن کا کہنا تھا کہ آگ بجھانے کے عمل میں 96 فائر فائٹرز نے حصہ لیا جن میں پانچ خواتین بھی شامل تھیں۔
A massive blaze has consumed a popular market in Ajman, UAE. pic.twitter.com/3AsGzp5erA
— Ian Miles Cheong (@stillgray) August 5, 2020
