راولپنڈی: وفاقی وزیر ریلوے شیخ رشید احمد نے ریلوے ڈویژنز کو وزیر اعظم عمران خان کے بلین ٹری سونامی پروگرام کا حصہ بننے کی ہدایت کر دی۔
تفصیلات کے مطابق وفاقی وزیر ریلوے شیخ رشید احمد نے راولپنڈی میں ریلوےاسٹیشن ڈگری کالج برائےخواتین کا دورہ کیا اور تعمیراتی کام کا جائزہ بھی لیا۔
شیخ رشید احمد کا کہنا تھا کہ ڈگری کالج پر10 کروڑ روپے لاگت آئی ہے،رواں سال پوسٹ گریجویٹ کلاسوں کا آغاز ہوگا۔
اس موقع پر وفاقی وزیر نے راولپنڈی ریلوے اسٹیشن ڈگری کالج برائے خواتین میں پودا لگا کر شجرکاری مہم کا آغاز کیا۔وفاقی وزیر ریلوے کا پاکستان ریلوے نیٹ ورک پر رواں سیزن 2 لاکھ پودے لگانے کا ہدف ہے۔
شیخ رشید احمد نے ریلوے ڈویژنز کو وزیراعظم عمران خان کے بلین ٹری سونامی پروگرام کا حصہ بننے کی ہدایت کرتے ہوئے کہا کہ پاکستان کوکلین،گرین بنائیں گے،وزیراعظم کے ویژن کو آگے بڑھائیں گے۔
وفاقی وزیر ریلوے نے کہا کہ پاکستان ریلوے نے پہلے بھی شجر کاری مہم میں پھر پور حصہ لیا تھا۔
