جدہ : چور دن دہاڑے قیمتی گاڑی لے کر فرار ہوگیا جبکہ برابر میں کھڑا گاڑی کا مالک دیکھتا رہ گیا، سوشل میڈیا پر دلچسپ وڈیو وائرل ہوگئی۔
سعودی ذرائع ابلاغ کے مطابق گاڑی چوری کی سی سی ٹی وی وڈیو فوٹیج میں دیکھا جاسکتا ہے کہ گاڑی کا مالک سڑک کے کنارے گاڑی کو اسٹارٹ چھوڑ کر برابر میں کھڑا ہوگیا۔
وہ مختلف اشیا کے نرخ دریافت کرنے میں مشغول تھا کہ اس دوران دوسری گاڑی میں آنے والے ایک شخص نے اس کی گاڑی کا دروازہ کھولا اور اسے لے کر باآسانی فرار ہوگیا۔
جدة احتمال سوق الصواريخ سرقة سيارة في وضح النهار مليون مره قلنا طفي السيارة والحرارة وسيارتك معاك اهم من المكيف بارد مع الحرامي pic.twitter.com/q3NHtdl3Cv
— Hasan Kutbi حسن كتبي (@HasanKutbi) August 16, 2020
چند لمحوں بعد جب اس کا مالک متوجہ ہوا تو اپنی گاڑی کو غائب دیکھ کر اس نے شور مچانا شروع کردیا اور گھبراہٹ میں سڑک پر ادھر ادھر دوڑتا رہا۔
یاد رہے کہ سعودی محکمہ ٹریفک نے مقامی شہریوں اور مقیم غیرملکیوں پر پابندی لگاتے ہوئے کہا ہے کہ کوئی بھی شخص اپنی گاڑی اسٹارٹ حالت میں کہیں بھی نہ چھوڑے۔
واضح رہے کہ مختلف شہروں اور قصبوں میں اسٹارٹ حالت میں چوری ہونے والی گاڑیوں کی اطلاعات ملتی رہتی ہیں، محکمہ ٹریفک شہریوں کو اس حوالے سے بار بار متنبہ کرتا رہتا ہے کہ اسٹارٹ حالت میں گاڑی چھوڑنا نہ صرف مالک کے لیے نقصان دہ عمل ہے بلکہ یہ اب ٹریفک خلاف ورزیوں کی فہرست میں بھی شامل ہے۔
