فلوریڈا : معروف ڈبلیو ڈبلیو ای اسٹار سونیا ڈیول کے گھر میں گھس کر ان کو اغوا کرنے کی کوشش کرنے والا شخص پکڑا گیا ، پولیس کا کہنا ہے کہ ملزم خاتون کو پسند کرتا ہے۔
تفصیلات کے مطابق ڈبلیو ڈبلیو ای کی اسٹار خاتون ریسلر کو اغوا کرنے ان کے گھر پہنچنےوالا ان کا مداح پولیس نے بروقت کارروائی کرتے ہوئے گرفتار کرلیا، 24سالہ فلپ اے خاتون ریسلر کا زبردست شیدائی ہے۔
پولیس کے مطابق ڈبلیو ڈبلیو ای اسٹار سونیا ڈیول کے گھر میں گھس کر اغوا کرنے کے الزام میں کیلی فورنیا پولیس نے لوٹس فلا کے ایک شہری کو گرفتار کر لیا ہے، جس گھر سے گرفتاری کی گئی ہے وہ سونیا ڈیول کے نام ہے۔
Thank you everyone for your love and concern. A very frightening experience but thankfully everyone is safe. A special thank you to Hillsborough County Sheriff’s Office for their response and assistance. 🖤
— Daddy Deville (@SonyaDevilleWWE) August 17, 2020
ذرائع کے مطابق چوبیس سالہ فلپ اے پچھلے آٹھ مہینوں سے اس اغوا کی منصوبہ بندی کر رہا تھا۔ وہ خاتون کو ایک طویل عرصہ سے سوشل میڈیا پر فالو کر رہا تھا۔
پولیس کے مطابق فلپ آدھی رات کو سونیا کے گھر میں گھسا حالانکہ جیسے ہی وہ کھڑکی کا شیشہ کھول کر اندر گھسا تو ایمرجنسی الارم بج گیا جس کی آواز سننے کے بعد گھر میں موجود افراد نے فلپ کو پکڑ کر پولیس کے حوالے کر دیا۔
اس حوالے سے پولیس کا کہنا ہے کہ فلپ سونیا کے پیچھے پاگل تھا وہ انہیں سوشل میڈیا پر فالو کرتا تھا، پولیس کو اس کے ٹوئٹر اکاؤنٹ سے اندازہ ہوا کہ وہ ڈبلیو ڈبلیو ای اسٹار کو کافی پسند کرتا تھا۔