نئی دہلی : بالی ووڈ کے معروف اداکار مسٹر پرفیکٹ عامر خان کی ترک خاتون اول ایمینے سے ملاقات پر بھارتیوں نے عامرخان کو’’رانگ نمبر‘‘ قرار دینا شروع کردیا، سوشل میڈیا پر عامرخان کے ساتھ ساتھ شاہ رخ خان اور سلمان خان پر تنقید شروع کردی۔
بالی ووڈ کنگ عامر خان کی ترک خاتون اول ایمینے اردوان سے ملاقات ہوئی، ایمینے اردوان نے پندرہ اگست کو عامرخان سے ملاقات کی تصاویرٹوئٹر پرشیئر کرتے ہوئے کہا کہ مجھے خوشی ہے کہ عامرخان نئی فلم ‘لال سنگھ چڈھا’ کی شوٹنگ ترکی میں کر رہے ہیں۔
I had the great pleasure of meeting @aamir_khan, the world-renowned Indian actor, filmmaker, and director, in Istanbul. I was happy to learn that Aamir decided to wrap up the shooting of his latest movie ‘Laal Singh Chaddha’ in different parts of Turkey. I look forward to it! pic.twitter.com/3rSCMmAOMW
— Emine Erdoğan (@EmineErdogan) August 15, 2020
عامر خان کی یہ ملاقات بھارتیوں کو پسند نہ آئی اور انہوں نے سوشل میڈیا پر گولہ باری شروع کردی، ایک انتہاپسند بھارتی نے الزام لگایا کہ عامر خان اپنی فلموں میں ہندو مخالف مواد استعمال کرتے ہیں، مودی فین نے لکھا کہ تینوں خان اسرائیلی وزیراعظم سے کیوں نہیں ملتے؟
ستیام شیوم نامی صارف نے لکھا کہ عامرخان نے بھارتی خود مختاری کو چیلنج کیا ہے، دوسری جانب بھارت کے تنگ نظر میڈیا نے بھی واویلا شروع کر دیا، اپنی رپورٹس میں اداکار عامر خان پر غدار اور پاکستان کی حمایت کے الزامات لگائے، اس حوالے سے مبصرین کا کہنا ہے کہ ترکی کی جانب سے کشمیریوں کی حمایت کے بیان کے سبب ترک خاتون اول سے عامر خان کی ملاقات بھارتیوں کو ہضم نہیں ہورہی ہے۔