فیروزوالا: پنجاب کے شہر فیروزوالا میں لڑائی کی ویڈیو بنانے والی لڑکی پر فائرنگ کردی گئی۔
اے آر وائی نیوز کی رپورٹ کے مطابق لاہور کے نواحی علاقے فیروز والا کی گلی میں لڑائی ہورہی تھی جس پر گھر کی گیلری میں موجود لڑکی نے ویڈیو بنائی تو ایک شخص نے اس پر فائرنگ کردی۔
ویڈیو میں دیکھا جاسکتا ہے کہ گلی میں موجود ایک شخص ویڈیو بنانے والی لڑکی پر فائرنگ کررہا ہے۔
نمائندہ اے آر وائی نیوز کے مطابق فائرنگ کے نتیجے میں کوئی جانی نقصان نہیں ہوا اور خوش قسمتی سے لڑکی محفوظ رہی۔
ذرائع کا کہنا ہے کہ پولیس کی جانب سے واقعے کی تحقیقات شروع کردی گئی ہیں۔
پولیس حکام کا کہنا ہے کہ لڑکی پر اسٹیٹ فائرنگ کرنے والے ملزمان کے خلاف کارروائی عمل میں لائی جائے گی اور ملزمان کو گرفتار کیا جائے گا۔
واضح رہے کہ گزشتہ روز فیروز والا میں بچوں کی لڑائی ہوئی تھی جس کے بعد بچوں نے گھر میں جاکر شکایت کی تو اس میں بڑے بھی ملوث ہوگئے اور جھگڑے میں ملوث ایک گروہ کی جانب سے اسلحہ کا استعمال کیا گیا اور ویڈیو بنانے والی لڑکی پر فائرنگ کی گئی۔
