امریکا میں ایک بہادر ماں اغوا کاروں سے اپنے بچے کو بچانے کے لیے ان سے مقابلے پر اتر آئی تاہم اغوا کار اپنے مقصد میں کامیاب رہے۔
مذکورہ واقعہ امریکی ریاست جارجیا میں پیش آیا جہاں بچے کے اغوا کے بعد بچوں کے حوالے سے امبر الرٹ جاری کردیا گیا۔
پولیس کے مطابق ماں اپنے ایک 1 سالہ بیٹے کے ساتھ گھر کے قریب چہل قدمی کر رہی تھی جب ایک گاڑی سے ایک مشکوک شخص اترا اور اس نے ماں پر بندوق تان لی۔
ماں نے سخت مزاحمت کی اور اس دوران مبینہ اغوا کار سے بندوق چھین لی اور فائر کیا تاہم اغوا کار اس سے بچنے میں کامیاب ہوگیا۔ اسی ہاتھا پائی کے دوران گاڑی سے دوسرا ملزم نکلا اور بچے کو اس کے اسٹرولر سے اٹھا کر گاڑی میں بیٹھ گیا۔
پہلا ملزم بھی ماں سے ہاتھا پائی چھوڑ کر گاڑی میں بیٹھا اور دونوں بچے سمیت رفو چکر ہوگئے۔ اس دوران حملہ آور کا جوتا اتر کر وہیں رہ گیا تھا جس کی تصویر پولیس کی جانب سے سماجی رابطوں کی ویب سائٹ پر شیئر کی گئی۔
Mother of 1-year old Mateo Alejandro Montufar-Barrera put up a fight and was able to grab a piece of suspect’s shorts and his shoe. If you recognize them call @ChambleePd 770-986-5005. pic.twitter.com/ntMtE6isff
— FBI Atlanta (@FBIAtlanta) August 29, 2020
پولیس نے اطلاع ملتے ہی کارروائی شروع کردی، تلاش اور تفتیش کے نتیجے میں صرف چند گھنٹے بعد ہی پولیس ملزمان کو پکڑنے میں کامیاب رہی۔بچے کو بحفاظت اس کی والدہ تک پہنچا دیا گیا۔