اسلام آباد: وزیراعظم عمران خان نے کہا ہے کہ وزارت داخلہ کو تشدد کے خلاف بل جلد قومی اسمبلی میں پیش کرنے کا کہہ دیا۔
تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ جمہوری معاشرے میں تشدد ناقابل قبول اور اسلام کی روح، آئین،اور عالمی قوانین کے منافی ہے۔
وزیراعظم پاکستان نے کہا کہ وزارت داخلہ کو تشدد کے خلاف بل جلد قومی اسمبلی میں پیش کرنے کا کہہ دیا ہے۔
I have asked Interior Ministry to expedite tabling our anti torture bill in National Assembly. Torture is unacceptable in a civilised democratic society & goes against the spirit of Islam, our constitution & our international legal commitments.
— Imran Khan (@ImranKhanPTI) September 3, 2020
یاد رہے کہ گزشتہ روز وزیراعظم عمران خان سے مشیر پارلیمانی امور بابر اعوان نے ملاقات کی تھی جس میں اہم آئینی، قانونی اور ملکی امور پر تبادلہ خیال کیا گیا تھا۔
وزیراعظم نے 3 ستمبر سے قومی اسمبلی اور سینیٹ کا اجلاس منعقد کرنے کی ہدایت کی تھی۔وزیراعظم کا کہنا تھا کہ ایف اے ٹی ایف قوانین ہر صورت منظور کروائیں گے۔
