کیلی فورنیا: امریکی ریاست کیلی فورنیا میں مسافر بردار چھوٹا طیارہ گر کر تباہ ہوگیا جس کے نتیجے میں 2 افراد ہلاک ہوگئے۔
غیرملکی خبررساں ادارے کی رپورٹ کے مطابق امریکی ریاست کیلی فورنیا میں مسافر بردار چھوٹے طیارے نے بیچ کرافٹ بی ای 35 بوئنزا نے ویسالیا ایئرپورٹ سے نیڈلز ہوائی اڈے کے لیے اڑان بھری تھی، طیارہ کچھ دیر بعد ہی ہچکولے کھاتا ہوا پارک میں گر کر تباہ ہوگیا۔
#BREAKING: Two people are confirmed dead after a plane crash in @SequoiaKingsNPS. The park says the fixed-wing single-engine aircraft left the Visalia airport Friday at 11 a.m. and was supposed to arrive at Needles Airport in San Bernardino County at 1 p.m. but did not make it. pic.twitter.com/UZbdm6ZBXJ
— Kirsten Mitchell (@Kirsten_TV) September 5, 2020
حادثے کے نتیجے میں ایک پائلٹ اور مسافر ہلاک ہوگئے جبکہ طیارہ جل کر مکمل طور پر تباہ ہوگیا، پولیس حکام کی جانب سے ہلاک ہونے والوں کی شناخت ظاہر نہیں کی گئی ہے۔
رپورٹ کے مطابق طیارہ حادثے کی وجہ کا تعین فی الحال نہیں کیا جاسکا ہے، فیڈرل ایوی ایشن حکام کا کہنا ہے کہ تحقیقات کے لیے ایک انکوائری کمیٹی تشکیل دے دی گئی ہے۔
طیارے حادثے کے نتیجے میں پارک میں امدادی کارروائیوں کا آغاز کردیا گیا ہے اور پارک کو عوام کے لیے بھی بند کردیا گیا ہے۔
