کویت سٹی: کویت میں چھوٹا بھائی اسپتال کے انتہائی نگہداشت وارڈ (آئی سی یو) میں زیر علاج زخمی بہن کو گولیاں مار کر فرار ہوگیا۔
تفصیلات کے مطابق کویت میں چھوٹے بھائی کے ہاتھوں قتل کی واردات کی کہانی سوشل میڈیا پر وائرل ہوگئی۔پولیس نے کی مدد سے شناخت کر کے قاتل کا پتہ لگا لیا۔
پولیس نے بتایا کہ دو روز قبل مقتولہ کے چھوٹے بھائی نے سلوی نامی علاقے میں واقع اپنے مکان کے قریب بہن پر فائرنگ کر کے فرار ہوگیا تھا، پولیس نے حملہ آور کو تلاش کر رہی ہے جبکہ زخمی بہن کو علاج کے لیے مبارک الکبیر اسپتال میں داخل کیا گیا تھا۔
پولیس کا کہنا تھا کہ انہیں اسپتال سے اطلاع ملی کہ ایک نوجوان نے آئی سی یو وارڈ میں گھس کر وہاں زیر علاج اپنی بہن پر پے درپے فائر کیے اور فرار ہوگیا۔پولیس نے واقعے کی تحقیقات شروع کر دی ہے۔
انتہائی نگہداشت کے شعبے میں غیر متعلقہ شخص کا پہنچ جانا خطرناک امر ہے جہاں ڈاکٹروں اور نرسوں کے سوا کسی کو بھی جانے کی اجازت نہیں ہوتی۔ایک مسلح شخص کا آئی سی یو وارڈ میں گھس کر واردات کرنا اور فرار ہوجانا سنگین معاملہ ہے۔
