گوادر : پاکستان میری ٹائم سیکیورٹی ایجنسی نے کھلنے سمندر میں کارروائی کرتے ہوئے آٹھ اسمگلرز کو گرفتار کرلیا۔
تفصیلات کے مطابق پاکستان میری ٹائم سیکیورٹی ایجنسی کی جانب سے کھلے سمندر میں منشیات اسمگلروں کے خلاف کارروائی کی ہے، پی ایم ایس اے نے 8 اسمگلرز گرفتار جبکہ 2700 کلو منشیات برآمد کی ہے۔
میری ٹائم سیکیورٹی ایجنسی کی کارروائی کے دوران اسمگلروں نے کشتی کو آگ لگاکر سمندر میں چھلانگ لگادی تھی، پی ایم ایس اے اہلکاروں نے اسمگلروں کو سمندر سے نکال کر گرفتار کرلیا۔
پاکستان میری ٹائم سیکیورٹی ایجنسی کا مزید کہنا تھا کہ پکڑی گئی منشیات عالمی مارکیٹ میں مالیت 82 ملین روپے ہے۔
