نیویارک: رواں سال ایپل کی جانب سے 4 نئے آئی فونز متعارف کروائے جانے کا امکان ہے۔
ایپل انسائیڈر کی رپورٹ کے مطابق ایپل کی جانب سے 4 نئے آئی فونز متعارف کروائے جانے کا امکان ہے، کمپنی کی جانب سے آئی فون 12 میں ناموں کے سسٹم میں تبدیلی متوقع ہے۔
واضح رہے کہ گزشتہ کئی سال سے ایپل کی جانب سے ریگولر آئی فون کے ساتھ بڑے ماڈلز کو میکس یا پلس کے نام کے ساتھ متعارف کروایا گیا ہے۔
آئی فون 12 سیریز میں بھی پرو اور میکس کا سلسلہ جاری رہے گا لیکن ریگولر ماڈلز کے لیے ناموں میں تبدیلیاں کی جائیں گی۔
12mini
12
12 Pro
12 Pro Max— 有没有搞措 (@L0vetodream) September 21, 2020
رپورٹ کے مطابق رواں سال ایپل کی جانب سے آئی فون 12 منی، آئی فون 12، آئی فون 12 پرو اور آئی فون 12 پرو میکس کے نام سے ماڈلز پیش کیے جانے کا امکان ہے۔
پہلی بار ایپل یکی جانب سے سب سے چھوٹی اسکرین والے ماڈل کو منی کے نام سے متعارف کروایا جائے گا۔
خیال رہے کہ آئی فون منی میں 5.4 انچ ڈسپلے دیا جاسکتا ہے جبکہ آئی فون 12 میں 6.1 انچ، آئی فون 12 پرو میں بھی 6.1 انچ اور آئی فون پرو میکس میں 6.7 انچ ڈسپلے دئیے جانے کا امکان ہے۔
رپورٹ کے مطابق اس بار کے آئی فون میں پہلے سے زیادہ بہتر اے 14 پراسیسر دیا جائے گا جبکہ ریگولر ماڈلز میں 4 جی بی ریم اور پرو ماڈلز میں 6 جی بی ریم دئیے جانے کا امکان ہے۔
ایپل کی جانب سے ریگولر ماڈلز میں المونیم باڈی استعمال کی جائے گی جبکہ پرو ماڈلز اسٹین لیس اسٹیل سے لیس ہوں گے۔
