اسلام آباد: وزیراعظم عمران خان کی زیرصدارت وفاقی کابینہ اجلاس کل ہوگا، جس میں سرکاری گاڑیاں وزیراعظم آفس کے ڈسپوزل پر رکھنے کے فیصلے کی منظوری دی جائے گی۔
تفصیلات کے مطابق وزیراعظم عمران خان کی زیرصدارت وفاقی کابینہ اجلاس کل ہوگا ، جس میں ملکی سیاسی،سلامتی اور مجموعی صورت حال کا جائزہ لیا جائے گا، اجلاس کا15نکاتی ایجنڈا جاری کردیا گیا ہے۔
اجلاس میں سرکاری گاڑیاں وزیراعظم آفس کے ڈسپوزل پر رکھنے کے فیصلے اور ڈائریکٹر جنرل سی اےاےکےایڈیشنل چارج کی توسیع کی منظوری دی جائے گی جبکہ وفاقی کابینہ کو پی آئی اے کے منافع اورنقصان سمیت معاشی اعشاریوں سے متعلق بریفنگ دی جائے گی۔
کابینہ اجلاس میں پاکستان ریلویزکی بحالی کےازسرنوپلان پر بھی بریفنگ دی جائے گی جبکہ کابینہ الیکٹرانک سرٹیفکیشن ایکریڈیشن کونسل ملازمین کےپےاسٹرکچر تبدیلی اورا سٹیٹ لائف انشورنس کارپوریشن کےایگزیکٹو ڈائریکٹر کی تعیناتی کی منظوری دے گی۔
اسلام آباد وائلڈ لائف بورڈکےغیرسرکاری ارکان نامزدگی کا معاملہ ، انٹربورڈکمیٹی آف چیئرمین کےسیکریٹری کی تقرری کی منظوری اور لیگل ایڈاینڈجسٹس اتھارٹی ایکٹ 2020 لاگو کرنےکی تاریخ کی منظوری ایجنڈے کا حصہ ہیں۔
وفاقی کابینہ اقتصادی رابطہ کمیٹی اور کابینہ کمیٹی قانون سازی کے فیصلوں کی توثیق کرے گی۔
