برسبین : آسٹریلیا کی خواتین کرکٹ ٹیم نے نیوزی لینڈ کے خلاف دوسرے ون ڈے میں چار وکٹ سے کامیابی حاصل کرلی اور مسلسل 20 ویں ون ڈے فتح سے عالمی ریکارڈ کے قریب پہنچ گئی۔
برسبین میں ہونے والے ویمن ٹی ٹونٹی ورلڈ کپ کے اہم میچ میں آسٹریلیا کی ویمن ٹیم نے میدان مار لیا، نیوزی لینڈ کو باآسانی شکست دے کر سیریز میں فتح حاصل کرلی۔
نیوزی لینڈ ویمن ٹیم نے مقررہ پچاس اوور میں نو وکٹوں کے نقصان پر 252 کا اچھا اسکور کیا تھا، کپتان صوفی ڈیوائن نے اناسی اور ایمی سیتھرویٹ نے انہتر رن اسکور کئے۔
عالمی نمبر ون بولر جیس جونیسن نے چار وکٹیں حاصل کیں، کپتان میگ لیننگ نے انجری کے باوجود چودہویں ون ڈے کی شاندار سنچری اسکور کی، اور ہدف کو پورا کرتے ہوئے ایک سو ایک پر ناٹ آؤٹ رہیں۔
ریشل ہینز نے بیاسی رن بنائے، ایمی کیر کی تین وکٹیں بھی نیوزی لینڈ کو شکست سے نہ بچا سکیں، تیسرا میچ کل بروز منگل کو کھیلا جائے گا۔
ون ڈے سیریز میں دو صفر کی ناقابل شکست برتری کے بعد آسٹریلیا کی ویمنز ٹیم آسٹریلیا کی مینز ٹیم کے سال2003 میں مسلسل 21ون ڈے جیتنے کے عالمی ریکارڈ کے قریب پہنچ گئی ہے ۔
