واشنگٹن : امریکی صدرڈونلڈ ٹرمپ نے فوجی اسپتال سے وائٹ ہاؤس پہنچے پر اپنے پیغام میں کہا کہ طبیعت بہت بہتر ہے، خود کو 20 سال پہلے جیسا محسوس کر رہا ہوں، جلد انتخابی مہم شروع کروں گا۔
تفصیلات کے مطابق کورونا میں مبتلا امریکی صدرڈونلڈٹرمپ فوجی اسپتال سے وائٹ ہاؤس پہنچ گئے ، وائٹ ہاوس پہنچتے ہی صدر ٹرمپ نے ماسک اتاردیا ، جس کے بعد سماجی رابطے کی ویب سائٹ ٹوئٹر پر اپنے ویڈیو پیغام میں صدرٹرمپ نے فوجی اسپتال کے عملےکی خدمات کو سراہا۔
— Donald J. Trump (@realDonaldTrump) October 5, 2020
امریکی صدرٹرمپ کا کہنا تھا کہ کورونا وائرس کوعوام خود پرحاوی نہ ہونےدیں ، کورونا سے نہ ڈریں اور باہر نکلیں ، کورونا وائرس کوعوام خود پرحاوی نہ ہونےدیں ، ہم کورونا کو ہرا سکتے ہیں، ہمارے پاس بہترین طبی آلات اور دوائیں ہیں، طبیعت بہت بہترہےخودکو20سال پہلےجیسامحسوس کررہاہوں۔
— Donald J. Trump (@realDonaldTrump) October 5, 2020
اس سے قبل ایک ٹوئٹ میں ٹرمپ نے امریکی میڈیا پر تنقید کرتے ہوئے کہا کہ فیک نیوز جعلی پولز دکھا رہا ہے، جلد صدارتی انتخابی مہم میں واپسی ہوگی۔
— Donald J. Trump (@realDonaldTrump) October 5, 2020
کوروناکے باعث صدرٹرمپ کوجمعے کو اسپتال میں داخل کیا گیا تھا، گذشتہ روز امریکی صدر ڈونلڈ ٹرمپ اچانک اسپتال سے باہر نکل آئے تھے جس کے باعث شدید تنقید کا سامنا کرنا پڑا تھا۔
واضح رہے کہ امریکی صدر ٹرمپ اور ان کی اہلیہ میلانیا ٹرمپ ہفتے کے روز کورونا وائرس میں مبتلا ہوئے تھے۔
