گوجرانوالہ : پی ڈی ایم کے جلسے سے پہلے لاہورپولیس کارائیونڈ جاتی امرا سیل کرنے پرغور کررہی ہے تاہم جاتی امراسیل ہونے سے ن لیگ نے متبادل حکمت عملی تیار کر لی ہے۔
تفصیلات کے مطابق لاہور پولیس کی جانب سے 16 اکتوبر کو گوجرانوالہ میں جلسے سے پہلے رائیونڈ جاتی امرا سیل کرنے پر غور شروع کردیا ہے ، ذرائع
پولیس کا کہنا ہے کہ پولیس نے جاتی امرارائیونڈ کے باہر کنٹینر کھڑےکردیئے، کنٹینر لگا کر جاتی امرا جانے والے راستے کو سیل کیا جاسکتا ہے۔
ذرائع کے مطابق جاتی امراسیل ہونے سےن لیگ نے متبادل حکمت عملی تیار کر لی، مریم نواز آج رات یا کل جاتی امراسے کسی اورجگہ منتقل ہوسکتی ہیں، ن لیگ نے پلان اے ،بی ،سی اور ڈی تشکیل دے رکھے ہیں۔
دوسری جانب رائیونڈ اڈہ پلاٹ پر کنٹینرز کی پکڑ دھکڑشروع کردی گئی ہے اور پولیس نے اڈہ پلاٹ روڈ پر 5 کنٹینر کے ڈرائیورز سے چابیاں اور کاغذات لے لئے ہیں۔
ڈرائیورز کا کہنا ہے کہ سڑک پر رکاوٹ کھڑی کرنے کے لیے کنٹینرز کو پکڑ لیا گیا، کنٹینرز میں مال بھرا ہوا ہے خراب ہونےکاخدشہ ہے، ہم غریب لوگ ہیں پولیس ہماری بات نہیں سن رہی، پولیس نے زبردستی کنٹینرز کوروک رکھا ہے۔
خیال رہے پی ڈی ایم کے پہلے جلسے میں دو دن رہ گئے، شاہد خاقان عباسی ، احسن اقبال ، راناثنااللہ ، مریم اونگزیب جلسے کے انتظامات کا جائزہ لینے کیلئے موجود ہے تاہم جلسے کے مقام پر انتظامیہ اور ن لیگی قیادت میں ڈیڈلاک ختم نہیں ہوسکا، ن لیگ کی جناح اسٹیڈئیم میں جلسے کی درخواست پر گوجرانوالہ انتظامیہ نے اب تک فیصلہ نہیں کیا۔
